മാട്രിമോണിയൽ സൈറ്റുകൾ പറ്റിയ്ക്കുന്നോ? ഭാരത് മാട്രിമോണിയിലെ സബ്സ്ക്രിപ്ഷനിൽ വിവാഹിതയുടെ ഫോട്ടോ, വിവാദം

ഇൻസ്റ്റ​ഗ്രാമിൽ രണ്ട് ലക്ഷം ഫോളോവേഴ്സ് ഉള്ള ഇൻഫ്ലുവറാണ് സ്വാതി. താനും ഭർത്താവും മാട്രിമോണിയൽ സൈറ്റ് വഴിയല്ല കണ്ടുമുട്ടിയതെന്നും ഇവർ വ്യക്തമാക്കി.

മുംബൈ: മാട്രിമോണിയൽ പ്ലാറ്റ്‌ഫോമായ ഭാരത് മാട്രിമോണിയുടെ എലൈറ്റ് സബ്‌സ്‌ക്രിപ്‌ഷൻ സേവനത്തിൽ വിവാഹിതയായ സ്ത്രീയുടെ ഫോട്ടോ. വ്യാജ പ്രൊഫൈലിലാണ് വിവാഹിതയായ സ്ത്രീയുടെ ഫോട്ടോ ഉപയോ​ഗിച്ചത്. സ്വാതി മുകുന്ദ് എന്ന സ്ത്രീയുടെ ഫോട്ടോയാണ് ഉപയോ​ഗിച്ചത്. സംഭവത്തിൽ വിശദീകരണവുമായി യുവതി രം​ഗത്തെത്തി. ഒരു മാട്രിമോണിയൽ ആപ്പ് വഴിയല്ല താൻ വിവാഹിതയായതെന്നും പ്ലാറ്റ്‌ഫോം ഉപയോഗിക്കുമ്പോൾ ശ്രദ്ധിക്കണമെന്നും ഇവർ പറഞ്ഞു.

ഇൻസ്റ്റ​ഗ്രാമിൽ രണ്ട് ലക്ഷം ഫോളോവേഴ്സ് ഉള്ള ഇൻഫ്ലുവറാണ് സ്വാതി. താനും ഭർത്താവും മാട്രിമോണിയൽ സൈറ്റ് വഴിയല്ല കണ്ടുമുട്ടിയതെന്നും ഇവർ വ്യക്തമാക്കി. ആപ്പിൻ്റെ എലൈറ്റ് സബ്‌സ്‌ക്രിപ്‌ഷൻ സേവനത്തിൽ തൻ്റെ ചിത്രം ഉപയോഗിച്ചതായി കണ്ടെത്തിയതിനെത്തുടർന്ന് ഞെട്ടിപ്പോയെന്നും സ്വാതി പറഞ്ഞു. നിരവധിപ്പേരാണ് അഭിപ്രായവുമായി രം​ഗത്തെത്തിയത്. മിക്ക മാട്രിമോണിയൽ സൈറ്റുകളും തട്ടിപ്പ് നടത്തുന്നുവെന്നും നിരവധിപ്പേർ അഭിപ്രായപ്പെട്ടു.