
ദില്ലി: ഒഡീഷ മുഖ്യമന്ത്രിയായി മോഹൻ ചരണ് മാജി സത്യപ്രതിജ്ഞ ചെയ്തു. ഉപമുഖ്യമന്ത്രിമാരായി കെ വി സിങ് ദേവും, പ്രവതി പരിദയും ഇതോടൊപ്പം സത്യപ്രതിജ്ഞ ചെയ്തു. പ്രധാനമന്ത്രി നരേന്ദ്രമോദി, കേന്ദ്രമന്ത്രിമാരായ രാജ്നാഥ് സിങ്, അമിത് ഷാ, നിതിൻ ഗഡ്കരി, ബിജെപി മുഖ്യമന്ത്രിയായ യോഗി ആദിത്യനാഥ് തുടങ്ങിയവരും ഒഡീഷ മുന് മുഖ്യമന്ത്രി നവീൻ പട്നായിക്കും സത്യപ്രതിജ്ഞ ചടങ്ങില് പങ്കെടുത്തു.
24 വർഷത്തെ ബിജെഡി ഭരണം അവസാനിപ്പിച്ചാണ് ബിജെപി ഒഡീഷയില് അധികാരം പിടിച്ചത്. നാല് തവണ എംഎൽഎ ആയ ഗോത്ര വിഭാഗം നേതാവാണ് മുഖ്യമന്ത്രിയായ മോഹൻ ചരണ് മാജി. ആറ് തവണ എംഎല്എ ആയിരുന്ന ഉപമുഖ്യമന്ത്രി കെ വി സിങ് ദേവ് രാജ കുടുംബാഗം കൂടിയാണ്. ഒഡീഷയിലെ ആദ്യ വനിത ഉപമുഖ്യമന്ത്രിയാണ് പ്രവതി പരിദ.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam