നീരവ് മോദിയുടെ 13 ആഢംബര കാറുകള് ഓണ്ലൈന് ലേലത്തിന്
Synopsis
റോള്സ് റോയ്സ് ഗോസ്റ്റ്, പോര്ഷെ പനാമെറ, രണ്ട് മെഴ്സിഡസ് ബെന്സ്, മൂന്ന് ഹോണ്ട, ടൊയൊട്ട ഫോര്ച്യൂണര് എന്നിവ ഉള്പ്പെടെയുള്ള കോടികള് വിലമതിക്കുന്ന കാറുകളാണ് ലേലത്തിന് വയ്ക്കുന്നത്.
മുംബൈ: സാമ്പത്തിക തട്ടിപ്പ് നടത്തി രാജ്യം വിട്ട നീരവ് മോദിയുടെ കോടികള് വിലമതിക്കുന്ന 13 ആഢംബര കാറുകള് ഓണ്ലൈന് വഴി ലേലം ചെയ്യും. 54.84 കോടി വിലവരുന്ന പെയിന്റിങ് കളക്ഷനുകള് ലേലം ചെയ്തതിന് പിന്നാലെയാണ് കാറുകളും ലേലം ചെയ്യാനൊരുങ്ങുന്നത്.
റോള്സ് റോയ്സ് ഗോസ്റ്റ്, പോര്ഷെ പനാമെറ, രണ്ട് മെഴ്സിഡസ് ബെന്സ്, മൂന്ന് ഹോണ്ട, ടൊയൊട്ട ഫോര്ച്യൂണര് എന്നിവ ഉള്പ്പെടെയുള്ള കോടികള് വിലമതിക്കുന്ന കാറുകളാണ് ലേലത്തിന് വയ്ക്കുന്നത്. ഏപ്രില് 18-നാണ് ലേലം.
പഞ്ചാബ് നാഷണല് ബാങ്കില് നിന്നും സാമ്പത്തിക തട്ടിപ്പ് നടത്തി രാജ്യം വിട്ട നീരവ് മോദിയുടെ സ്വത്തുക്കള് എന്ഫോഴ്സ്മെന്റ് ഡയറക്ടറേറ്റ് കണ്ടുകെട്ടിയിരുന്നു. കാറുകളുടെ ലേലത്തിലൂടെ നീരവ് മോദി കൈക്കലാക്കിയ തുകയുടെ ഒരു ഭാഗമെങ്കിലും വീണ്ടെടുക്കാമെന്ന പ്രതീക്ഷയിലാണ് അന്വേഷണ സംഘം. ഇ-കൊമേഴ്സ് രംഗത്ത് പ്രവര്ത്തിക്കുന്ന മെറ്റല് സ്ക്രാപ് ട്രേഡ് കോര്പ്പറേഷന് ലിമിറ്റഡ് എന്ന കമ്പനിക്കാണ് ലേലത്തിന്റെ കരാര് നല്കിയിരിക്കുന്നത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam