5 പേര്ക്കായി 2 ലക്ഷം പേരുടെ കരിയര് അപകടത്തിലാക്കാനാകില്ല; നീറ്റ് പിജി പരീക്ഷ മാറ്റിവെയ്ക്കണമെന്ന ഹർജി തള്ളി
Synopsis
നിലവില് അനുവദിച്ചിരിക്കുന്ന പരീക്ഷ കേന്ദ്രങ്ങളിലേക്ക് എത്തിപ്പെടാന് വിദ്യാര്ഥികള്ക്ക് ബുദ്ധിമുട്ടായതിനാല് തീയതി മാറ്റിവയ്ക്കണമെനായിരുന്നു ഹര്ജി
ദില്ലി:ആഗസ്റ്റ് 11-ന് നടത്താനിരുന്ന നീറ്റ് പിജി പരീക്ഷ മാറ്റിവെയ്ക്കാന് ആവശ്യപ്പെട്ടുകൊണ്ടുള്ള ഹര്ജി സുപ്രീം കോടതി തള്ളി. ഇതോടെ പരീക്ഷ ആഗസ്റ്റ് 11ന് തന്നെ നടക്കും. നിലവില് അനുവദിച്ചിരിക്കുന്ന പരീക്ഷ കേന്ദ്രങ്ങളിലേക്ക് എത്തിപ്പെടാന് വിദ്യാര്ഥികള്ക്ക് ബുദ്ധിമുട്ടായതിനാല് തീയതി മാറ്റിവയ്ക്കണമെന്ന് ആവശ്യപ്പെട്ടുകൊണ്ടായിരുന്നു ഹര്ജി. ജസ്റ്റിസ് ഡിവൈ ചന്ദ്രചൂഡ് അടങ്ങുന്ന മൂന്നംഗ ബെഞ്ചാണ് ഹര്ജി തള്ളിയത്.
അഞ്ച് വിദ്യാര്ത്ഥികള്ക്കായി രണ്ട് ലക്ഷം വിദ്യാര്ത്ഥികളുടെ കരിയര് അപകടത്തിലാക്കാന് സാധ്യമല്ലെന്ന് കോടതി ചൂണ്ടികാണിച്ചു. ജൂണ് 23-നായിരുന്നു ആദ്യം നീറ്റ് പിജി നടത്താനിരുന്നത്. എന്നാല്, നീറ്റ് യു.ജി ഉള്പ്പെടെ എന്ടിഎയുടെ കീഴില് നടന്ന പരീക്ഷകളില് ക്രമക്കേടുകള് നടക്കുന്നുവെന്ന വിവാദങ്ങളെ തുടര്ന്ന് സുരക്ഷയുടെ പേരില് പരീക്ഷ നീട്ടിവെയ്ക്കുയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam