പൗരത്വ ഭേദഗതിയ്ക്കെതിരായ പ്രമേയം; മുഖ്യമന്ത്രിക്കെതിരെ അവകാശലംഘന നോട്ടീസ്

ബിജെപി നേതാവ് ജിവിഎല്‍ നരസിംഹറാവു ആണ് നോട്ടീസ് നല്‍കിയത്. മുഖ്യമന്ത്രി അവതരിപ്പിച്ച പ്രമേയം പാര്‍ലമെന്‍റിന്‍റെ പരമാധികാരത്തിന് എതിരാണെന്ന് നരസിംഹറാവു ആരോപിക്കുന്നു.

ദില്ലി: പൗരത്വഭേദഗതി നിയമത്തിനെതിരായ പ്രമേയത്തിന്‍റെ പേരില്‍ കേരള മുഖ്യമന്ത്രി പിണറായി വിജയനെതിരെ അവകാശലംഘന നോട്ടീസ്. ബിജെപി നേതാവ് ജിവിഎല്‍ നരസിംഹറാവു ആണ് നോട്ടീസ് നല്‍കിയത്. 

മുഖ്യമന്ത്രി അവതരിപ്പിച്ച പ്രമേയം പാര്‍ലമെന്‍റിന്‍റെ പരമാധികാരത്തിന് എതിരാണെന്ന് നരസിംഹറാവു ആരോപിക്കുന്നു. നിയമസഭാ പ്രമേയം ഭരണപരമായ ആശയക്കുഴപ്പത്തിനിടയാക്കും. ഇത് പാർലമെൻറ് അവകാശം ഹനിക്കുന്നതാണെന്നും നോട്ടീസില്‍ പറയുന്നുണ്ട്. വെള്ളിയാഴ്ച ചേരുന്ന അവകാശസമിതി യോഗം വിഷയം ചര്‍ച്ച ചെയ്യണമെന്നും നോട്ടീസില്‍ ആവശ്യപ്പെട്ടിട്ടുണ്ട്.