രാ​ജ്യ​ത്ത് ഭ​യ​ത്തി​ന്‍റെ അ​ന്ത​രീ​ക്ഷം വ​ർ​ധി​ക്കുന്നു; അമിത് ഷായെ വേദിയിലിരുത്തി രാഹുല്‍ ബജാജ്

യു​പി​എ സ​ര്‍​ക്കാ​രി​ന്‍റെ കാ​ല​ത്ത് ആ​രെ​വേ​ണ​മെ​ങ്കി​ലും വി​മ​ർ​ശി​ക്കാ​ൻ ക​ഴി​യു​മാ​യി​രു​ന്നു. അ​ത് നി​ങ്ങ​ൾ ന​ല്ല രീ​തി​യി​ൽ ചെ​യ്തു. പ​ക്ഷേ മോ​ദി സ​ർ​ക്കാ​രി​നെ വി​മ​ർ​ശി​ക്കാ​ൻ രാ​ജ്യ​ത്ത് പ​ല​ർ​ക്കും ആ​ത്മ​വി​ശ്വാ​സ​മി​ല്ല. 

മും​ബൈ: രാ​ജ്യ​ത്ത് ഭ​യ​ത്തി​ന്‍റെ അ​ന്ത​രീ​ക്ഷം വ​ർ​ധി​ക്കു​ക​യാ​ണെ​ന്നും സ​ര്‍​ക്കാ​രി​നെ​തി​രെ സം​സാ​രി​ക്കാ​ന്‍ ജ​ന​ങ്ങ​ള്‍ ഭ​യ​പ്പെ​ടു​ന്ന​താ​യും വ്യ​വ​സാ​യി രാ​ഹു​ല്‍ ബ​ജാ​ജ്. മും​ബൈ​യി​ല്‍ ദ ​ഇ​ക്ക​ണോ​മി​ക് ടൈം​സിന്‍റെ പു​ര​സ്‌​കാ​രച്ച​ട​ങ്ങി​ല്‍ കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത്ഷാ ഉ​ൾ​പ്പെ​ടെ​യു​ള്ള പ്ര​മു​ഖ​ർ വേ​ദി​യി​ലി​രി​ക്ക​വെ​യാ​ണ് രാ​ഹു​ൽ ബ​ജാ​ജി​ന്‍റെ വി​മ​ർ​ശ​നം.

യു​പി​എ സ​ര്‍​ക്കാ​രി​ന്‍റെ കാ​ല​ത്ത് ആ​രെ​വേ​ണ​മെ​ങ്കി​ലും വി​മ​ർ​ശി​ക്കാ​ൻ ക​ഴി​യു​മാ​യി​രു​ന്നു. അ​ത് നി​ങ്ങ​ൾ ന​ല്ല രീ​തി​യി​ൽ ചെ​യ്തു. പ​ക്ഷേ മോ​ദി സ​ർ​ക്കാ​രി​നെ വി​മ​ർ​ശി​ക്കാ​ൻ രാ​ജ്യ​ത്ത് പ​ല​ർ​ക്കും ആ​ത്മ​വി​ശ്വാ​സ​മി​ല്ല. വി​മ​ര്‍​ശ​ന​ങ്ങ​ളെ ശ​രി​യാ​യ രീ​തി​യി​ൽ സ​ര്‍​ക്കാ​ര്‍ ഉ​ള്‍​ക്കൊ​ള്ളു​ന്നി​ല്ലെ​ന്നും രാ​ഹു​ൽ ബ​ജാ​ജ് പ​റ​ഞ്ഞു. 

ആ​രും ഭ​യ​ക്കേ​ണ്ട കാ​ര്യ​മി​ല്ലെ​ന്നാ​യി​രു​ന്നു അ​മി​ത്ഷാ ​ഇ​തി​നു മ​റു​പ​ടി​യാ​യി അ​തേ വേ​ദി​യി​ല്‍ പ​റ​ഞ്ഞ​ത്. മ​ഹാ​ത്മാ ഗാ​ന്ധി​യു​ടെ ഘാ​ത​ക​ന്‍ നാ​ഥു​റാം ഗോ​ഡ്‌​സെ​യെ ദേ​ശ​ഭ​ക്ത​ന്‍ എ​ന്നു വി​ളി​ച്ച ബി​ജെ​പി എം​പി പ്ര​ജ്ഞാ സിം​ഗ് ഠാ​ക്കൂ​റി​നെ​ക്കു​റി​ച്ചും രാ​ഹു​ല്‍ ബ​ജാ​ജ് പ​രാ​മ​ര്‍​ശി​ച്ചു. ആ​രാ​ണു ഗാ​ന്ധി​യെ വെ​ടി​വെ​ച്ച​തെ​ന്ന കാ​ര്യ​ത്തി​ല്‍ ആ​ര്‍​ക്കെ​ങ്കി​ലും സം​ശ​യ​മു​ണ്ടോ? എ​നി​ക്ക​റി​യി​ല്ല.’- അ​ദ്ദേ​ഹം പ​റ​ഞ്ഞു. പു​ര​സ്കാ​ര ച​ട​ങ്ങി​ൽ അ​മി​ത്ഷാ​യെ കൂ​ടാ​തെ കേ​ന്ദ്ര​മ​ന്ത്രി​മാ​രാ​യ നി​ർ​മ​ല സീ​താ​രാ​മ​ൻ, പി​യൂ​ഷ് ഗോ​യ​ൽ തു​ട​ങ്ങി​യ​വ​രും പ​ങ്കെ​ടു​ത്തു.