സാങ്കല്പികമായി ബൈക്ക് ഓടിച്ചു കാണിച്ചില്ല, പ്ലസ് വണ് വിദ്യാര്ത്ഥികളെ സീനിയര് വിദ്യാര്ത്ഥികള് ക്രൂരമായി മർദിച്ചു
Synopsis
റാഗിംഗിന്റെ ഭാഗമായി പ്ലസ് വണ് വിദ്യാര്ത്ഥികളെ സീനിയര് വിദ്യാര്ത്ഥികള് ചേര്ന്ന് ക്രൂരമായി മർദിച്ചതായി പരാതി
കോഴിക്കോട്: റാഗിംഗിന്റെ ഭാഗമായി പ്ലസ് വണ് വിദ്യാര്ത്ഥികളെ സീനിയര് വിദ്യാര്ത്ഥികള് ചേര്ന്ന് ക്രൂരമായി മർദിച്ചതായി പരാതി. കോഴിക്കോട് ഉള്ള്യേരി പാലോറ ഹയര്സെക്കന്ഡറി സ്കൂളിലെ പ്ലസ് ടു വിദ്യാര്ത്ഥികള്ക്കെതിരെയാണ് ആരോപണം ഉയര്ന്നിരിക്കുന്നത്. കഴിഞ്ഞ ചൊവ്വാഴ്ച വൈകീട്ട് അഞ്ചോടെയാണ് പരാതിക്കിടയായ സംഭവങ്ങള് നടന്നത്. സ്കൂള് ഗ്രൗണ്ടില് സാങ്കല്പികമായി ബൈക്ക് ഓടിച്ചു കാണിക്കാന് പ്ലസ്വണ് വിദ്യാര്ത്ഥികളെ നിര്ബന്ധിച്ചതായും അത് ചെയ്ത് കാണിക്കാത്തതിന്റെ പേരില് മര്ദ്ദിക്കുകയുമായിരുന്നുവെന്നാണ് ലഭിക്കുന്ന വിവരം. വിദ്യാര്ത്ഥികളെ കൂട്ടം ചേര്ന്ന് ക്രൂരമായി മര്ദ്ദിക്കുന്നതിന്റെ ദൃശ്യങ്ങള് പുറത്ത് വന്നിട്ടുണ്ട്.
അടിയേറ്റ് വീണ കുട്ടികളെ ചവിട്ടുന്നതും വെള്ളത്തിലേക്ക് തള്ളിയിടുന്നതും ദൃശ്യങ്ങളില് വ്യക്തമാണ്. പരിക്കേറ്റ വിദ്യാര്ത്ഥികള് ആശുപത്രിയില് ചികിത്സ തേടി. നേരത്തെയും സമാനമായ രീതിയില് പ്ലസ്വണ് വിദ്യാര്ത്ഥികളെ ഭീഷണിപ്പെടുത്തിയതായി പരാതി ഉയര്ന്നിട്ടുണ്ട്. സംഭവവുമായി ബന്ധപ്പെട്ട് കര്ശ്ശന നടപടി സ്വീകരിക്കുമെന്ന് സ്കൂള് അധികൃതര് പറഞ്ഞു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam