100-ാം ജന്മദിനമാഘോഷിച്ച് മോ​ദിയുടെ അമ്മ; ആശംസകളുമായി മോദിയെത്തി

രണ്ട് ദിവസത്തെ ഗുജറാത്ത് സന്ദർശനത്തിനാണ് പ്രധാനമന്ത്രി നരേന്ദ്ര മോദി അഹമ്മദാബാദിലെത്തിയത്. ഇന്ന് പഞ്ച്മഹൽ ജില്ലയിലെ പ്രശസ്ത തീർത്ഥാടന കേന്ദ്രമായ പാവഗഢ് സന്ദർശിക്കും.

അഹമ്മദാബാദ്:  100-ാം ജന്മദിനമാഘോഷിക്കുന്ന മാതാവിനെ കാണാൻ പ്രധാനമന്ത്രി നരേന്ദ്രമോദി വീട്ടിലെത്തി. അമ്മ ഹീരാബെൻ മോദിയുടെ ജന്മദിനമായ ഇന്ന് ഗാന്ധിനഗറിലെ വീട്ടിലെത്തിയാണ് മോ​ദി ആശംസകൾ നേർന്നത്. ശനിയാഴ്ച പുലർച്ചെ ഗുജറാത്തിലെ അമ്മയുടെ വസതിയിൽ മോദിയെത്തി.

രണ്ട് ദിവസത്തെ ഗുജറാത്ത് സന്ദർശനത്തിനാണ് പ്രധാനമന്ത്രി നരേന്ദ്ര മോദി അഹമ്മദാബാദിലെത്തിയത്. ഇന്ന് പഞ്ച്മഹൽ ജില്ലയിലെ പ്രശസ്ത തീർത്ഥാടന കേന്ദ്രമായ പാവഗഢ് സന്ദർശിക്കും.  അവിടെ അദ്ദേഹം പൂജ നടത്തിയ ശേഷം പതാക ഉയർത്തും.

പതിനഞ്ചാം നൂറ്റാണ്ടിന്  ശേഷം, കഴിഞ്ഞ അഞ്ച് നൂറ്റാണ്ടുകളായി ക്ഷേത്രം ജീർണാവസ്ഥയിലായിരുന്നു. ഇപ്പോൾ പുതിയ രൂപത്തിൽ പുനർരൂപകൽപ്പന ചെയ്തിരിക്കുന്നുവെന്നും അധികൃതർ അറിയിച്ചു.