പോർട്ട്ബ്ലയർ ഇനി ശ്രീ വിജയപുരം; 'സ്വാതന്ത്ര്യ സമരത്തിലെ വിജയപ്രതീകം'; പേര് മാറ്റം പ്രഖ്യാപിച്ച് അമിത് ഷാ

ഇന്ത്യൻ സ്വാതന്ത്ര്യ സമര ചരിത്രത്തിൽ നിർണ്ണായക ഇടമായതിനാലാണ് ഈ പേര് നല്കിയതെന്ന് അമിത് ഷാ പറഞ്ഞു.

ദില്ലി: ആൻഡമാൻ നിക്കോബാർ ദ്വീപുകളുടെ തലസ്ഥാനമായ പോർട്ട്ബ്ലെയറിന്റെ പേര് മാറ്റി കേന്ദ്രസർക്കാർ. ശ്രീവിജയപുരം എന്നായിരിക്കും പോർട്ട്ബ്ലെയറിന്റെ പുതിയ പേര്. കേന്ദ്ര ആഭ്യന്തര മന്ത്രി അമിത്ഷായാണ് പേര് മാറ്റം പ്രഖ്യാപിച്ചത്. ഇന്ത്യൻ സ്വാതന്ത്ര്യ സമര ചരിത്രത്തിൽ നിർണ്ണായക ഇടമായതിനാലാണ് ഈ പേര് നല്കിയതെന്ന് അമിത് ഷാ പറഞ്ഞു. സുഭാഷ് ചന്ദ്ര ബോസിനെയും വിഡി സവർക്കറെയും അനുസ്മരിച്ചാണ് അമിത് ഷായുടെ ട്വീറ്റ്. +