പ്രതിരോധമേഖലയിലും ഇനി സ്വകാര്യപങ്കാളിത്തം; പരീക്ഷണസംവിധാനങ്ങള് സ്വകാര്യ ആയുധ നിര്മ്മാതാക്കള്ക്കും ഉപയോഗിക്കാം
Synopsis
സര്ക്കാരിന്റെ പരീക്ഷണസംവിധാനങ്ങള് സ്വകാര്യ ആയുധ നിര്മ്മാതാക്കളും ഉപയോഗിക്കുന്നത് പ്രതിരോധമേഖലയ്ക്ക് കൂടുതല് കരുത്ത് നല്കുമെന്ന വിശദീകരണമാണ് പ്രതിരോധമന്ത്രാലയം നല്കുന്നത്.
ദില്ലി: പ്രതിരോധ മേഖലയിലെ സർക്കാരിന്റെ പരീക്ഷണ സംവിധാനങ്ങൾ ഇനി മുതൽ സ്വകാര്യ ആയുധ നിർമ്മാതാക്കൾക്കും ഉപയോഗിക്കാമെന്ന് കേന്ദ്രസര്ക്കാര് പ്രഖ്യാപിച്ചു. ഇത് സംബന്ധിച്ച ഉത്തരവ് ഉടന് പുറത്തിറക്കുമെന്നും പ്രതിരോധ മന്ത്രി രാജ്നാഥ് സിംഗ് അറിയിച്ചു.
സര്ക്കാരിന്റെ പരീക്ഷണസംവിധാനങ്ങള് സ്വകാര്യ ആയുധ നിര്മ്മാതാക്കളും ഉപയോഗിക്കുന്നത് പ്രതിരോധമേഖലയ്ക്ക് കൂടുതല് കരുത്ത് നല്കുമെന്ന വിശദീകരണമാണ് പ്രതിരോധമന്ത്രാലയം നല്കുന്നത്. പ്രതിരോധമേഖലയെ ശക്തിപ്പെടുത്തുന്നതിന് തടസ്സമാകുന്ന പല ഘടകങ്ങളും ഇതോടെ ഇല്ലാതാകുമെന്നും രാജ്നാഥ് സിംഗ് പറഞ്ഞു.
രാജ്യത്ത് ഏകദേശം 222 സ്വകാര്യ കമ്പനികളാണ് പ്രതിരോധമേഖലയില് പ്രവര്ത്തിക്കുന്നത്. പ്രതിരോധമേഖലയിലും സ്വകാര്യ പങ്കാളിത്തം ഉറപ്പുവരുത്തുന്നതാണ് സര്ക്കാരിന്റെ പുതിയ നീക്കം.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam