കാട്ടനകൾ ഉള്ള സ്ഥലമായതിനാൽ അവ പാളത്തിൽ പ്രവേശിക്കുന്നത് തടയാൻ റെയിൽവേ ഇവിടെ മുൻകരുതൽ എടുത്തിട്ടുണ്ട്. എന്നാൽ ഇത്തരം മുൻകരുതൽ മറികടന്നാണ് ആന പാളത്തിൽ എത്തിയത്.
സംബൽപൂർ: ആനയെ ഇടിച്ചതിനെ തുടർന്നു ട്രെയിൻ പാളംതെറ്റി. ഒഡീഷയിലെ ഹാതിബാരി- മനേശ്വർ റെയിൽവെ സ്റ്റേഷനുകൾക്കിടയിൽ വച്ചാണു പുരി- സൂറത്ത് എക്സ്പ്രസ് ട്രെയിൻ പാളം തെറ്റിയത്. ഹാത്തിബാറിൽ നിന്നും ഞായറാഴ്ച വൈകീട്ട് 7.30നാണ് ട്രെയിൻ പുറപ്പെട്ടത്.
തിങ്കളാഴ്ച പുലർച്ചെ 2.30ഓടെയാണ് അപകടം.
അപകടം നടന്ന സ്ഥലത്ത് നേരത്തെ തന്നെ കാട്ടനകൾ ഉള്ള സ്ഥലമായതിനാൽ അവ പാളത്തിൽ പ്രവേശിക്കുന്നത് തടയാൻ റെയിൽവേ ഇവിടെ മുൻകരുതൽ എടുത്തിട്ടുണ്ട്. എന്നാൽ ഇത്തരം മുൻകരുതൽ മറികടന്നാണ് ആന പാളത്തിൽ എത്തിയത്. വണ്ടിയുടെ ബ്രേക്ക് അപ്ലെ ചെയ്യാനുള്ള സമയം ലഭിച്ചില്ലെന്നാണ് സൂചന.
ട്രെയിനിന്‍റെ ആറു വീലുകൾ മാത്രമാണു പാളം തെറ്റിയത്. ഇതിനാൽ വൻ ദുരന്തം ഒഴിവായി. യാത്രക്കാർക്കു പരിക്കുകളില്ലെന്ന് ഈസ്റ്റ് കോസ്റ്റ് റെയിൽവെ അറിയിച്ചു.