പ്രതിസന്ധിക‌ൾ ഒരുപാടുണ്ടെങ്കിലും രാഹുൽ തത്കാലം രാജിവെക്കേണ്ടതില്ല. ജനാധിപത്യത്തിൽ പ്രതിപക്ഷവും ശക്തമായിരിക്കേണ്ടത് അനിവാര്യമാണെന്നും രജനീകാന്ത് അഭിപ്രായപ്പെട്ടു.
ചെന്നൈ: കോൺഗ്രസിലെ മുതിർന്ന നേതാക്കളെ നിയന്ത്രിക്കാൻ യുവ നേതാവായ രാഹുലിന് ബുദ്ധിമുട്ടേറെയാണെന്ന് സിനിമാ താരം രജനികാന്ത്. പ്രതിസന്ധിക‌ൾ ഒരുപാടുണ്ടെങ്കിലും രാഹുൽ തത്കാലം രാജിവെക്കേണ്ടതില്ലെന്നും രജനീകാന്ത് പറഞ്ഞു.
തിരിച്ചടികൾക്ക് ശേഷവും മുന്നോട്ട് പോകാനാകുമെന്ന് രാഹുൽ തെളിയിക്കുകയാണ് വേണ്ടത്. ജനാധിപത്യത്തിൽ പ്രതിപക്ഷവും ശക്തമായിരിക്കേണ്ടത് അനിവാര്യമാണെന്നും രജനീകാന്ത് അഭിപ്രായപ്പെട്ടു.
നരേന്ദ്രമോദിയുടെ സത്യപ്രതിജ്ഞ ചടങ്ങിൽ പങ്കെടുക്കുമെന്ന് ആവർത്തിച്ച രജനീകാന്ത്, നിയമസഭ തിരഞ്ഞെടുപ്പ് മുൻനിർത്തിയുള്ള തന്‍റെ പ്രവർത്തനത്തെക്കുറിച്ച് സമയമാകുമ്പോൾ പറയാമെന്നും വ്യക്തമാക്കി.