കൊവിഡ് 19  ഭീഷണി നേരിടാന്‍ സാര്‍ക്ക് യോഗം ഇന്ന്; പ്രധാനമന്ത്രി മോദി പങ്കെടുക്കും

പ്രധാനമന്ത്രി മോദിയുടെ നിർദ്ദേശം അംഗീകരിച്ച പാകിസ്ഥാൻ ആരോഗ്യ ഉപദേഷ്ടാവിനെയാണ് യോഗത്തിനായി നിയോഗിച്ചിരിക്കുന്നത്

ദില്ലി: കൊവിഡ് 19 ഭീഷണി നേരിടാനുള്ള നടപടികളെക്കുറിച്ച് ആലോചിക്കാൻ സാർക്ക് അംഗരാജ്യങ്ങളുടെ യോഗം ഇന്നു ചേരും. വിഡിയോ കോൺഫറൻസിംഗ് വഴി വൈകിട്ട് അഞ്ചിനാണ് യോഗം. ഇന്ത്യയെ പ്രതിനിധീകരിച്ച് പ്രധാനമന്ത്രി നരേന്ദ്ര മോദി തന്നെ യോഗത്തിൽ പങ്കെടുക്കും.

യോഗത്തിനായുള്ള പ്രധാനമന്ത്രി മോദിയുടെ നിർദ്ദേശം അംഗീകരിച്ച പാകിസ്ഥാൻ ആരോഗ്യ ഉപദേഷ്ടാവിനെയാണ് യോഗത്തിനായി നിയോഗിച്ചിരിക്കുന്നത്. ഏതൊക്കെ രാഷ്ട്രതലവൻമാർ യോഗത്തിൽ പങ്കെടുക്കും എന്ന് വ്യക്തമായിട്ടില്ല. പ്രതിരോധപ്രവർത്തനങ്ങളിൽ പരസ്പരം സഹകരിക്കാൻ ധാരണയാകും. ഇന്ത്യ മാലദ്വീപിലേക്ക് മെഡിക്കൽ സംഘത്തെ ഉൾപ്പടെ കഴിഞ്ഞ ദിവസം അയച്ചിരുന്നു.