റിലയൻസ് ഫൗണ്ടേഷന്റെ 'വൻതാര'യെക്കുറിച്ചുള്ള ആരോപണങ്ങൾ; അന്വേഷിക്കാൻ പ്രത്യേക അന്വേഷണ സംഘത്തെ നിയോഗിച്ച് സുപ്രീംകോടതി

വന്യജീവി സംരക്ഷണത്തിനായി തുടങ്ങിയ വൻതാരയെ കുറിച്ച് വ്യാപക ആരോപണങ്ങൾ ഉയർന്നിരുന്നു. ഇത് സംബന്ധിച്ച പൊതു താൽപര്യ ഹർജിയാണ് കോടതി ഉത്തരവ്

ദില്ലി: ഗുജറാത്തിലെ ജാംനഗറിൽ റിലയൻസ് ഫൗണ്ടേഷൻ നടത്തുന്ന വനൻതാരയിലെ വിഷയങ്ങൾ അന്വേഷിക്കാൻ പ്രത്യേക അന്വേഷണ സംഘത്തെ നിയോഗിച്ചു സുപ്രീംകോടതി. വൻതാരയിലേക്ക് വന്യമൃഗങ്ങളെ കൊണ്ടുവന്നതിൽ അടക്കം നിയമവിരുദ്ധമായി ഇടപെടലുകൾ നടന്നുവെന്ന് ആരോപിച്ചും വന്യമൃഗ സംരക്ഷണ നിയമത്തിന്റെ ലംഘനം നടന്നുവെന്നും കാട്ടി അഭിഭാഷകൻ ജയസുകിൻ നൽകിയ പൊതു താൽപര്യ ഹർജി പരിഗണിച്ചാണ് സുപ്രീംകോടതി ഉത്തരവ്. ജസ്റ്റിസ് ജെ ചെലമേശ്വർ അധ്യക്ഷനായ നാലംഗ അന്വേഷണസംഘത്തെയാണ് സുപ്രീംകോടതി നിയോഗിച്ചത്. നേരത്തെ പ്രധാനമന്ത്രി വൻതാരയിൽ സന്ദർശനം നടത്തിയിരുന്നു.