പിഎഫ് കൈകാര്യം ചെയ്യുന്ന ഉമാങ് പോർട്ടലിൽ ഗുരുതര സുരക്ഷാ പിഴവെന്ന് റിപ്പോർട്ട്; പരിഹരിക്കുമെന്ന് ഐടി മന്ത്രാലയം

കേന്ദ്രസർക്കാറിന്റെ ഉമാങ് പോർട്ടലിൽ ​ഗുരുതര സുരക്ഷാ പിഴവെന്ന് റിപ്പോർട്ട്. പ്രൊവിഡന്റ് ഫണ്ട് അടക്കം കൈകാര്യം ചെയ്യുന്ന പോർട്ടലിലാണ് ​ഗുരുതര പിഴവുകളുണ്ടെന്ന് വിദ​​ഗ്ധരെ ഉദ്ദരിച്ച് ഇം​ഗ്ലീഷ് ദിനപത്രം റിപ്പോർട്ട് ചെയ്തത്

ദില്ലി: കേന്ദ്രസർക്കാറിന്റെ ഉമാങ് പോർട്ടലിൽ ​ഗുരുതര സുരക്ഷാ പിഴവെന്ന് റിപ്പോർട്ട്. പ്രൊവിഡന്റ് ഫണ്ട് അടക്കം കൈകാര്യം ചെയ്യുന്ന പോർട്ടലിലാണ് ​ഗുരുതര പിഴവുകളുണ്ടെന്ന് വിദ​​ഗ്ധരെ ഉദ്ദരിച്ച് ഇം​ഗ്ലീഷ് ദിനപത്രം റിപ്പോർട്ട് ചെയ്തത്. പല പിഴവുകളും വർഷങ്ങളായി പോർട്ടലിൽ നിലനിൽക്കുന്നുണ്ടെന്നും, ഉപഭോക്താക്കളുടെ വിവരങ്ങൾ ചോരാനുള്ള സാധ്യത അടക്കം പ്രശ്നങ്ങളുണ്ടെന്നും റിപ്പോർട്ടിൽ വിദ​ഗ്ധർ ചൂണ്ടിക്കാട്ടുന്നു. 9 വർഷം മുൻപ് പ്രവർത്തനം തുടങ്ങിയ ഉമാങ് പോർട്ടലിൽ 2400 തരം സർവീസുകളാണുള്ളത്. പ്രശ്നങ്ങൾ പരിഹരിക്കാൻ നടപടികളെടുത്തെന്ന് ഐടി മന്ത്രാലയം അറിയിച്ചതായും റിപ്പോർട്ടിൽ പറയുന്നു.