ചീഫ് ജസ്റ്റിസ് ബിആര് ഗവായ്ക്കുനേരെ ഷൂ എറിയാൻ ശ്രമിച്ച സംഭവം; അഭിഭാഷകനെതിരായ കോടതിയലക്ഷ്യ കേസിൽ തീരുമാനം അടുത്തയാഴ്ച
Synopsis
ചീഫ് ജസ്റ്റിസ് ബി.ആര്.ഗവായ്ക്കുനേരെ ഷൂ എറിയാന് ശ്രമിച്ച അഭിഭാഷകനെതിരായ കോടതിയലക്ഷ്യ കേസ് പരിഗണിക്കണമോയെന്നതില് സുപ്രീം കോടതി അടുത്ത ആഴ്ച വാദം കേള്ക്കും. ബാര് അസോസിയേഷന് നല്കിയ ഹര്ജിയില് നോട്ടീസയക്കാന് സുപ്രീം കോടതി വിസമ്മതിച്ചു.
ദില്ലി: ചീഫ് ജസ്റ്റിസ് ബി.ആര്.ഗവായ്ക്കുനേരെ ഷൂ എറിയാന് ശ്രമിച്ച അഭിഭാഷകനെതിരായ കോടതിയലക്ഷ്യ കേസ് പരിഗണിക്കണമോയെന്നതില് സുപ്രീം കോടതി അടുത്ത ആഴ്ച വാദം കേള്ക്കും. ചീഫ് ജസ്റ്റിസ് ബിആര് ഗവായ്, ജസ്റ്റിസ് സൂര്യകാന്ത് എന്നിവരുടെ ബെഞ്ചാണ് ഹര്ജി അടുത്തയാഴ്ച പരിഗണിക്കുക. അഭിഭാഷകന് രാകേഷ് കിഷോറിനെതിരെ കോടതിയലക്ഷ്യ നടപടി ആവശ്യപ്പെട്ട് സുപ്രീം കോടതി ബാര് അസോസിയേഷന് നല്കിയ ഹര്ജിയില് നോട്ടീസയക്കാന് സുപ്രീം കോടതി വിസമ്മതിച്ചു. നടപടി വേണ്ടെന്ന് ചീഫ് ജസ്റ്റിസ് നിര്ദേശിച്ചിരിക്കെ മറ്റൊരു ബെഞ്ചിന് കേസ് തുടരാനാകുമോയെന്ന് ജസ്റ്റിസ് സൂര്യകാന്ത് ചോദിച്ചു. കോടതികള്ക്കെതിരായ അധിക്ഷേപങ്ങള് തടയാന് മാര്ഗനിര്ദേശങ്ങള് പുറപ്പെടുവിക്കുന്നത് പരിഗണിക്കാമെന്നും സുപ്രീം കോടതി അറിയിച്ചു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam