6 മാസം പ്രായമുള്ള കുഞ്ഞിന്‍റെ മൃതദേഹാവശിഷ്ടങ്ങള്‍ കണ്ടെത്തി; തെരുവ് നായകൾ കടിച്ചെന്ന് സംശയം

ആറ് മാസം പ്രായമുള്ള ആൺ കുഞ്ഞിനെയാണ് തെരുവ് നായ്ക്കൾ കടിച്ചു കൊന്ന നിലയിൽ കണ്ടെത്തിയത്. ഓടയിൽ കുഞ്ഞിന്റെ മൃതദേഹാവശിഷ്ടം കണ്ട നാട്ടുകാർ വിവരം ബോഡി നായകന്നൂർ ടൗൺ പൊലീസിൽ അറിയിക്കുകയായിരുന്നു.

ചെന്നൈ: തേനി ബോഡിനായ്ക്കന്നൂരിൽ ആറ് മാസം പ്രായമുള്ള കുഞ്ഞിന്‍റെ മൃതദേഹാവശിഷ്ടങ്ങള്‍ കണ്ടെത്തി. തെരുവ് നായകൾ കടിച്ച് കീറിയ നിലയിലാണ് മൃതദേഹം. കുട്ടിയെ ആരെങ്കിലും ഉപേക്ഷിച്ചതാണോ എന്നും സംശയമുണ്ട്. കുട്ടിയുടെ മാതാപിതാക്കൾക്കായി പൊലീസ് അന്വേഷണം ആരംഭിച്ചു.

ബോഡിനായ്കന്നൂരിന് സമീപം വഞ്ചിയോടെയിലാണ് സംഭവം നടന്നത്. ആറ് മാസം പ്രായമുള്ള ആൺ കുഞ്ഞിനെയാണ് മരിച്ച നിലയിൽ കണ്ടെത്തിയത്. ഓടയിൽ കുഞ്ഞിന്റെ മൃതദേഹാവശിഷ്ടം കണ്ട നാട്ടുകാർ വിവരം ബോഡി നായകന്നൂർ ടൗൺ പൊലീസിൽ അറിയിക്കുകയായിരുന്നു. മൃതദേഹം പോസ്റ്റ് മാർട്ടത്തിനായി സർക്കാർ ആശുപത്രിയിലേക്ക് മാറ്റി.