പാഠപുസ്തക പരിഷ്കരണം: 19 അംഗ സമിതിയുമായി എൻസിഇആർടി, സമിതിയിൽ ശങ്കര് മഹാദേവനും സുധ മൂര്ത്തിയും
Synopsis
പാഠപുസ്തക പരിഷ്കരണ സമിതിയിൽ ഗായകൻ ശങ്കര് മഹാദേവനേയും സുധ മൂര്ത്തിയേയും ഉൾപ്പെടുത്തി.
ദില്ലി: പാഠപുസ്തകം തയ്യാറാക്കാൻ 19 അംഗ സമിതിയെ തീരുമാനിച്ച് എൻസിഇആർടി. മൂന്നുമുതൽ 12 വരെയുള്ള ക്ലാസുകളിലെ പാഠ പുസ്തകം പരിഷ്കരിക്കും. പാഠപുസ്തക പരിഷ്കരണ സമിതിയിൽ ഗായകൻ ശങ്കര് മഹാദേവനേയും സുധ മൂര്ത്തിയേയും ഉൾപ്പെടുത്തി. എന്സിഇആര്ടി പാഠപുസ്കത്തില് നിന്ന് മാസങ്ങള്ക്ക് മുന്പ് ചില പാഠഭാഗങ്ങൾ ഒഴിവാക്കിയിരുന്നു.
പത്താം ക്ലാസ് പാഠപുസ്തകത്തില് നിന്ന് പിരിയോഡിക് ടേബിള്, ജനാധിപത്യത്തിലെ വെല്ലുവിളികള്, ഊര്ജ്ജ സ്രോതസ്സുകള് തുടങ്ങിയ ഭാഗങ്ങളാണ് ഒഴിവാക്കിയത്. പ്രധാന പോരാട്ടങ്ങളും മുന്നേറ്റങ്ങളും, രാഷ്ട്രീയപ്പാര്ട്ടികള് തുടങ്ങിയ ഭാഗങ്ങളും ഒഴിവാക്കി. കുട്ടികളുടെ പഠന ഭാരം കുറയ്ക്കാനാണ് നടപടി എന്നാണ് എന്സിഇആര്ടിയുടെ വിശദീകരണം. നേരത്തേ ഡാര്വിന്റെ പരിണാമ സിദ്ധാന്തവും എന്സിഇആര്ടി പാഠപുസ്തകത്തില് നിന്ന് ഒഴിവാക്കിയിരുന്നു. ഗാന്ധി വധം, മുഗള് ചരിത്രം, ഗുജറാത്ത് കലാപം എന്നിവയും ഒഴിവാക്കപ്പെട്ടു. വലിയ എതിര്പ്പുയര്ന്നിട്ടും നടപടികളുമായി എന്സിഇആര്ടി മുന്നോട്ട് പോകുകയായിരുന്നു.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam