ദേവികുളം തെരഞ്ഞെടുപ്പ് കേസ്:മാമോദിസരജിസ്റ്റർ,സംസ്കാരരജിസ്റ്റർ,കുടുംബരജിസ്റ്റര്‍ കൈമാറിയില്ലെന്നത് പരിശോധിക്കും

കേസ് വീണ്ടും കോടതി പരിഗണിക്കുമ്പോൾ ഈക്കാര്യത്തിലെ വിവരം രജിസ്ട്രി കോടതിയെ അറിയിക്കും 

ദില്ലി: ദേവികുളം തിരഞ്ഞെടുപ്പ് കേസുമായി ബന്ധപ്പെട്ട് സി.എസ്.ഐ പള്ളിയിലെ മാമോദിസ രജിസ്റ്റർ, സംസ്കാര രജിസ്റ്റർ, കുടുംബ രജിസ്റ്റർ എന്നിവ സുപ്രീംകോടതിക്ക് കൈമാറിയില്ലെന്ന ആരോപണം പരിശോധിക്കാൻ സുപ്രീം കോടതി രജിസ്ട്രി നിർദ്ദേശം.ജസ്റ്റിസ് അനിരുദ്ധ ബോസ് അധ്യക്ഷനായ ബെഞ്ചാണ് ഇക്കാര്യം വ്യക്തമാക്കിയത്.. കേസുമായി ബന്ധപ്പെട്ട എല്ലാ രേഖകളുടെയും ഒറിജിനൽ കൈമാറാൻ ഹൈക്കോടതിയോട് നേരത്തെ സുപ്രീം കോടതി നിർദേശം നൽകിയിരുന്നു. എന്നാൽ സുപ്രധാനരേഖകൾ  കൈമാറായില്ലെന്ന് ഡി കുമാറിന്‍റെ  അഭിഭാഷകൻ അൽജോ കെ. ജോസഫ് ആരോപിച്ചിരുന്നു. ഈക്കാര്യം ചൂണ്ടിക്കാട്ടി ഡി കുമാർ പുതിയ അപേക്ഷയും നൽകിയിരുന്നു. എന്നാൽ എല്ലാ രേഖകളും സുപ്രീം കോടതിയിൽ എത്തിയിട്ടുണ്ടെന്നാണ് ഓഫീസ് ഓർഡറിലുള്ളതെന്ന് എ രാജയുടെ അഭിഭാഷകൻ കോടതിയിൽ പറഞ്ഞു. കേസ് വീണ്ടും കോടതി പരിഗണിക്കുമ്പോൾ ഈക്കാര്യത്തിലെ വിവരം രജിസ്ട്രി കോടതിയെ അറിയിക്കും