ഇവിടെ ഇങ്ങനെയാണ്...; മുസ്ലിം പള്ളി ഉദ്ഘാടനം ചെയ്തത് സ്വാമി, സൗഹാർദത്തിന്റെ മാതൃക

ഈ ചെറിയ ഗ്രാമത്തിൽ മുസ്ലീം സമുദായത്തിന്റെ അഞ്ച് വീടുകളേ ഉള്ളൂവെങ്കിലും എല്ലാവരും ഒത്തൊരുമയോടെ എല്ലാവരുമായി സഹകരിച്ച് ജീവിക്കുന്നു. അതാണ് യഥാർത്ഥ മതത്തിന്റെ അടയാളമെന്നും സ്വാമി പറഞ്ഞു. 

ബെം​ഗളൂരു: പുതുതായി നിർമിച്ച മുസ്ലിം പള്ളി ഉദ്ഘാടനം ചെയ്തത് സ്വാമി. കോപ്പൽ ജില്ലയിലെ കുക്കനൂർ താലൂക്കിലെ ഭാനാപൂർ ഗ്രാമത്തിലാണ് സംഭവം. കൊപ്പൽ ഗവി മഠത്തിലെ അഭിനവ ഗവിസിദ്ദേശ്വര സ്വാമിജിയാണ് മസ്ജിദ് ഉദ്ഘാടനം ചെയ്തത്. ഇക്കാലത്ത് എല്ലാവരും ഐക്യത്തോടെ ജീവിക്കേണ്ടത് അനിവാര്യമാണെന്നും യഥാർത്ഥ മതം എന്നാൽ സൗഹാർദമാണെന്നും അദ്ദേഹം പറഞ്ഞു. സ്വന്തം മതം ശ്രേഷ്ഠമെന്ന് കരുതുന്നവർ മതവിശ്വാസികളല്ല. പക്ഷപാതമില്ലാതെ ഒരു രോഗിക്ക് രക്തം ദാനം ചെയ്യുന്നയാൾ യഥാർത്ഥ മതവിശ്വാസിയാണ്. 
സാധാരണക്കാരന് പോലും മതവിശ്വാസിയായി ജീവിക്കാം. പള്ളികളിലും അമ്പലങ്ങളിലും പള്ളികളിലും പോകുന്നവർ മാത്രമല്ല മതവിശ്വാസികൾ. മറ്റുള്ളവരെ വേദനിപ്പിക്കാതെയും വഞ്ചിക്കാതെയും ജീവിക്കുക. യോജിപ്പിൽ ജീവിക്കുന്നതാണ് യഥാർത്ഥ മതമെന്നും അദ്ദേഹം പറഞ്ഞു. 

ഈ ചെറിയ ഗ്രാമത്തിൽ മുസ്ലീം സമുദായത്തിന്റെ അഞ്ച് വീടുകളേ ഉള്ളൂവെങ്കിലും എല്ലാവരും ഒത്തൊരുമയോടെ എല്ലാവരുമായി സഹകരിച്ച് ജീവിക്കുന്നു. അതാണ് യഥാർത്ഥ മതത്തിന്റെ അടയാളമെന്നും സ്വാമി പറഞ്ഞു.