10 വർഷത്തെ അധ്വാനം; ഹൈ​‍ഡ്രജൻ ഇന്ധനമാക്കി ഓക്സിജൻ പുറത്തുവിടുന്ന എൻജിനുമായി തമിഴ്നാട്ടിലെ എൻഞ്ചിനീയർ

'എൻജിൻ വികസിപ്പിച്ചെടുക്കാൻ എനിക്ക് പത്തുവർഷം വേണ്ടി വന്നു. ഇത്തരത്തിലൊരു യന്ത്രം ലോകത്തിൽ തന്നെ ഇതാദ്യമായാണ് രൂ​പ​ക​ൽ​പ​ന ചെ​യ്യുന്നത്. ഈ എൻജിൻ ഹൈഡ്രജൻ ഇന്ധനമായി ഉപയോ​ഗിച്ച് ഓക്സിജൻ പുറത്തുവിടുന്നതാണ്'- സൗ​ന്തി​രാ​ജ​ൻ വാർത്താ ഏജൻസിയായ എഎൻഐയോട് പറഞ്ഞു.

ചെന്നൈ: ഹൈഡ്രജൻ ഇന്ധനമായി ഉപയോ​ഗിച്ച് ഓക്സിജൻ പുറത്തുവിടുന്ന എൻജിൻ രൂ​പ​ക​ൽ​പ​ന ചെ​യ്​​ത് തമിഴ്നാട്ടിലെ മെ​ക്കാ​നി​ക്ക​ൽ എൻഞ്ചിനീയർ. കോ​യ​മ്പ​ത്തൂ​രി​ലെ സൗ​ന്തി​രാ​ജ​ൻ കു​മാ​ര​സ്വാ​മി​ എന്ന എൻഞ്ചിനീയറാണ് ഡി​സ്​​റ്റി​ൽ​ഡ്​ വാ​ട്ട​ർ ഉ​പ​യോ​ഗി​ച്ച് പ്രവർത്തിക്കുന്ന പരിസ്ഥിതി സൗ​ഹൃ​ദ എ​ൻ​ജി​ൻ രൂ​പ​ക​ൽ​പ​ന ചെ​യ്​​ത​ത്. ജ​പ്പാ​നി​ലാ​ണ്​ യ​ന്ത്ര​ത്തി​ന്റെ അ​വ​ത​ര​ണമെന്ന് സൗ​ന്തി​രാ​ജ​ൻ പറഞ്ഞു.

എൻജിൻ വികസിപ്പിച്ചെടുക്കാൻ എനിക്ക് പത്തുവർഷം വേണ്ടി വന്നു. ഇത്തരത്തിലൊരു കണ്ടുപിടിത്തം ലോകത്തിൽ തന്നെ ഇതാദ്യമായാണ് രൂ​പ​ക​ൽ​പ​ന ചെ​യ്യുന്നത്. ഈ എൻജിൻ ഹൈഡ്രജൻ ഇന്ധനമായി ഉപയോ​ഗിച്ച് ഓക്സിജൻ പുറത്തുവിടുന്നതാണ്- സൗ​ന്തി​രാ​ജ​ൻ വാർത്താ ഏജൻസിയായ എഎൻഐയോട് പറഞ്ഞു.

ഇന്ത്യയിൽ യന്ത്രം അവതരിപ്പിക്കാനായിരുന്നു തന്റെ സ്വപ്നമെന്നും എന്നാൽ ആരും തന്നെ അവസരം നൽകാത്തത്തിനാൽ ജപ്പാനിലാണ് അവതരണമെന്നും സൗ​ന്തി​രാ​ജ​ൻ പറഞ്ഞു. ഇന്ത്യയിൽ പലരുടെയും മുന്നിൽ പോയെന്നും എന്നാൽ ആരും അതിന് തയ്യാറായില്ല. അതുകൊണ്ട് ജപ്പാൻ സർക്കാരിനെ സമീപിക്കുകയായിരുന്നുവെന്നും അവർ അവസരം നൽകിയെന്നും സൗ​ന്തി​രാ​ജ​ൻ വ്യക്തമാക്കുന്നു.