സെപ്റ്റിക് ടാങ്ക് വൃത്തിയാക്കുന്നതിനിടെ മൂന്ന് തൊഴിലാളികള് ശ്വാസംമുട്ടി മരിച്ചു
Synopsis
സെപ്റ്റിക് ടാങ്കില് നിന്നുള്ള വിഷപ്പുക ശ്വസിച്ചാണ് ശുചീകരണ തൊഴിലാളികള് മരിച്ചത്.
മുംബൈ: സെപ്റ്റിക് ടാങ്ക് വൃത്തിയാക്കുന്നതിനിടെ മൂന്ന് തൊഴിലാളികള് ശ്വാസംമുട്ടി മരിച്ചു. നോയിഡ സെക്ടര് 39-ലെ വാടകയ്ക്കെടുത്ത കെട്ടിടത്തിലെ സെപ്റ്റിക് ടാങ്ക് വൃത്തിയാക്കുന്നതിനിടെയാണ് തൊഴിലാളികള് മരിച്ചത്. സംഭവത്തില് കെട്ടിടം നിര്മ്മിച്ചയാളെയും നിര്മ്മാണത്തിന് മേല്നോട്ടം വഹിച്ചയാളെയും പൊലീസ് കസ്റ്റഡിയിലെടുത്തു.
സെപ്റ്റിക് ടാങ്കില് നിന്നുള്ള വിഷപ്പുക ശ്വസിച്ചാണ് ശുചീകരണ തൊഴിലാളികള് മരിച്ചത്. അര്ധരാത്രി വരെ സെപ്റ്റിക് ടാങ്കിനുള്ളില് നിന്ന് വൃത്തിയാക്കുകയായിരുന്ന തൊഴിലാളികളില് ഒരാള് ബോധരഹിതനായി വീണു. ഇയാളെ രക്ഷിക്കാന് സെപ്റ്റിക് ടാങ്കിന് ഉള്ളിലേക്ക് ഇറങ്ങിയ മറ്റ് രണ്ട് തൊഴിലാളികളും വിഷപ്പുക ശ്വസിച്ച് മരിക്കുകയായിരുന്നു.
സുരക്ഷാ മാനദണ്ഡങ്ങള് ഒന്നും പാലിക്കാതെ ജോലി ചെയ്ത ഇവര്ക്ക് ഓക്സിജന് മാസ്ക് പോലും നല്കിയിരുന്നില്ല. തൊഴിലാളികളുടെ മൃതദേഹങ്ങള് പോസ്റ്റ്മോര്ട്ടത്തിന് വിട്ടുകൊടുത്തിരിക്കുകയാണ്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam