യുജിസി നെറ്റ് പരീക്ഷയുടെ ഉത്തരസൂചിക ഞായറാഴ്ച പ്രസിദ്ധീകരിച്ചേക്കും

ഉത്തരസൂചിക പുറത്തു വരാത്തതിനെതിരെ വലിയ പ്രതിഷേധമുയർന്നതിന് പിന്നാലെ പ്രസിദ്ധീകരിക്കാനുള്ള തീരുമാനം

ദില്ലി : യുജിസി നെറ്റ് പരീക്ഷയുടെ ഉത്തരസൂചിക ഞായറാഴ്ച പ്രസിദ്ധീകരിച്ചേക്കും. ഉത്തരസൂചിക പുറത്തു വരാത്തതിനെതിരെ വലിയ പ്രതിഷേധമുയർന്നതിന് പിന്നാലെ പ്രസിദ്ധീകരിക്കാനുള്ള തീരുമാനം. യു.ജി.സി നെറ്റ് ജൂൺ 2026, സി.എസ്.ഐ.ആർ-നെറ്റ്, ഐ.സി.എ.ആർ എ.ഐ.ഇ.ഇ.എ പി.ജി, ഐ.സി.എ.ആർ എ.ഐ.സി.ഇ-ജെ.ആർ.എഫ്/എസ്.ആർ.എഫ് പിഎച്ച്.ഡി തുടങ്ങിയ പരീക്ഷകളുടെ ഉത്തരസൂചിക ഉടൻ പ്രസിദ്ധീകരിക്കുമെന്ന് എൻ.ടി.എ നേരത്തെ ഔദ്യോഗിക അറിയിപ്പ് നൽകിയിരുന്നു. ഓഗസ്റ്റ് 10 തിങ്കളാഴ്ചയായിരുന്നു ഈ പ്രഖ്യാപനം. എന്നാൽ ഓഗസ്റ്റ് 14 വെള്ളിയാഴ്ച വരെയും ഈ പരീക്ഷകളുടെ ഉത്തരസൂചികകൾ പുറത്തുവിട്ടിട്ടില്ല. ഔദ്യോഗിക അറിയിപ്പിൽ സൂചിപ്പിച്ചിരിക്കുന്ന സമയക്രമം അനുസരിച്ച്, ഓഗസ്റ്റ് 15 ശനിയാഴ്ചയോ അല്ലെങ്കിൽ ഓഗസ്റ്റ് 16 ഞായറാഴ്ചയോ ഉത്തരസൂചികകൾ പ്രസിദ്ധീകരിക്കുമെന്നാണ് പ്രതീക്ഷിക്കുന്നത്.