അട്ടിമറിയൊന്നും അല്ല, മഹാരാഷ്ട്ര സര്‍ക്കാറിന് അഭിനനന്ദനം: വി മുരളീധരൻ

മഹാരാഷ്ട്ര സര്‍ക്കാരിന് അഭിനന്ദനം കോൺഗ്രസിന്‍റെ അവസരവാദ നീക്കത്തിന് തിരിച്ചടി  സഖ്യത്തിൽ സന്തോഷമുണ്ടെന്ന് വി മുരളീധരൻ

കൊച്ചി: മഹാരാഷ്ട്രയിലെ രാഷ്ട്രീയ സഖ്യത്തെ സ്വാഗതം ചെയ്യുന്നു എന്ന് കേന്ദ്ര മന്ത്രി വി മുരളീധരൻ. ദേവേന്ദ്ര ഫഡ്നാവിസിന്‍റെ നേതൃത്വത്തിൽ ജനാധിപത്യപരമായ രീതിയിൽ സര്‍ക്കാര്‍ രൂപീകരിക്കപ്പെട്ടതിൽ സന്തോഷമുണ്ട്. കോണഗ്രസിന്‍റെ അവസരവാദ രാഷ്ട്രീയത്തിനുള്ള തിരിച്ചടിയാണ് മഹാരാഷ്ട്രയിൽ കിട്ടിയത്. ശിവസേനയുടെ ഭാഗത്ത് നിന്ന് പിന്തുണ പ്രതീക്ഷിച്ചിരുന്നെങ്കിലും അത് നടക്കാതായതോടെയാണ് രാഷ്ട്രപതി ഭരണത്തിലേക്ക് പോയത്. 

അജിത് പവാറിന്‍റെ വരവോടെ ഭൂരിപക്ഷത്തിന് ആവശ്യമായ പിന്തുണ ഉറപ്പായതോടെയാണ് സര്‍ക്കാര്‍ സത്യപ്രതിജ്ഞയിലേക്ക് പോയത്. രാത്രിയാണോ പകലാണോ സഖ്യം ഉണ്ടായതെന്നൊന്നും അറിയില്ല. അതോ ദിവസങ്ങളായുള്ള നീക്കമാണോ എന്നും അറിയില്ല. കോൺഗ്രസിന്‍റെ അവസരവാദ രാഷ്ട്രീയത്തിനുള്ള തിരിച്ചടിയാണെന്നും സഖ്യനീക്കത്തിൽ സന്തോഷമുണ്ടെന്നും വി മുരളീധരൻ കൊച്ചിയിൽ പ്രതികരിച്ചു. 

മഹാരാഷ്ട്രയിൽ നടന്നത് അട്ടിമറിയൊന്നും അല്ലെന്നും വി മുരളീധരൻ പറ‌ഞ്ഞു "