'ഇത് കാവൽക്കാരുടെ ​ഗ്രാമം'; രാഹുൽ ​ഗാന്ധിക്ക് പ്രവേശനം നിഷേധിച്ച് യുപിയിലെ ​ഗ്രാമം

പ്രധാനമന്ത്രി നരേന്ദ്രമോദിയെ കള്ളനെന്ന് വിളിച്ച് പ്രചാരണം നടത്തുന്ന രാഹുൽ ​ഗാന്ധി രാജ്യത്തിന്റെ അന്തസ്സ് ഇല്ലാതാക്കുകയാണ് ചെയ്യുന്നതെന്ന്. അത്തരത്തില്‍ ഒരാള്‍ തങ്ങളുടെ ഗ്രാമത്തിലേക്കു വരേണ്ടതില്ലെന്നാണ് ​ഗ്രാമവാസികളുടെ പക്ഷം

വാരണാസി: കോൺ​ഗ്രസ് അധ്യക്ഷൻ രാഹുൽ ​ഗാന്ധിക്ക് പ്രവേശനം നിഷേധിച്ച് ഒരു ​ഗ്രാമം. ഉത്തർപ്രദേശിലെ  വാരാണസിയിലുള്ള കരാഡിയ എന്ന ​ഗ്രാമത്തിലാണ് രാഹുൽ ​ഗാന്ധിക്ക് വിലക്ക് ഏർപ്പെടുത്തിയിരിക്കുന്നത്. രാഹുലിന് പ്രവേശനമില്ലെന്നെഴുതിയ പോസ്റ്ററുകൾ ​ഗ്രാമത്തിന്റെ വിവിധ ഭാ​ഗങ്ങളിലായി പതിപ്പിച്ചിരിക്കുകയാണ്. 

'ചൗക്കിദാർ ചോർ ഹെ' എന്ന രാഹുലിന്റെ പരാമർശമാണ് ​ഗ്രാമവാസികളെ പ്രകോപിപ്പിച്ചതെന്നാണ് വാർത്താ ഏജൻസിയായ എഎൻഐ റിപ്പോർട്ട് ചെയ്യുന്നത്. ഇത് കാവൽക്കാരുടെ ​ഗ്രാമമാണ്, ഇവിടേക്ക് വരേണ്ടതില്ലെന്നാണ് രാഹുൽ ​ഗാന്ധിയെ അഭിസംബോധന ചെയ്തുകൊണ്ടുള്ള പോസ്റ്ററുകളിൽ രേഖപ്പെടുത്തിയിരിക്കുന്നത്.

പ്രധാനമന്ത്രി നരേന്ദ്രമോദിയെ കള്ളനെന്ന് വിളിച്ച് പ്രചാരണം നടത്തുന്ന രാഹുൽ ​ഗാന്ധി രാജ്യത്തിന്റെ അന്തസ്സ് ഇല്ലാതാക്കുകയാണ് ചെയ്യുന്നതെന്ന്. അത്തരത്തില്‍ ഒരാള്‍ തങ്ങളുടെ ഗ്രാമത്തിലേക്കു വരേണ്ടതില്ലെന്നാണ് ​ഗ്രാമവാസികളുടെ പക്ഷം.