വിജയിക്കുമെന്ന് ഉറപ്പിച്ച് ആംആദ്മി, 5 വര്ഷം ജോലി ചെയ്തത് ജനങ്ങള്ക്ക് വേണ്ടി: സിസോദിയ
Synopsis
വിജയം തങ്ങള്ക്ക് തന്നെയെന്നാണ് ആംആദ്മി സ്ഥാനാര്ത്ഥിയും ഡെപ്യൂട്ടി മുഖ്യമന്ത്രിയുമായ മനീഷ് സിസോദിയ വ്യക്തമാക്കുന്നത്.
ദില്ലി: തെരഞ്ഞെടുപ്പില് വീണ്ടുമൊരു വിജയം കൂടി ഉറപ്പിച്ചിരിക്കുകയാണ് ആംആദ്മി പാര്ട്ടി. മൂന്നാം വിജയത്തിലേക്ക് ആംആദ്മി പാര്ട്ടി കടക്കുമെന്ന് ഉറപ്പിച്ച് പ്രവര്ത്തകര് ആഘോഷം ആരംഭിച്ചുകഴിഞ്ഞു. വിജയം തങ്ങള്ക്ക് തന്നെയെന്നാണ് ആംആദ്മി സ്ഥാനാര്ത്ഥിയും ഡെപ്യൂട്ടി മുഖ്യമന്ത്രിയുമായ മനീഷ് സിസോദിയ വ്യക്തമാക്കുന്നത്. കഴിഞ്ഞ അഞ്ച് വര്ഷം ജോലി ചെയ്തത് ജനങ്ങള്ക്ക് വേണ്ടിയാണെന്നതാണ് അതിന് കാരണമെന്നും മനീഷ് സിസോദിയ പറഞ്ഞു.
പട്പര്ഗഞ്ചില് നിന്നാണ് മനീഷ് സിസോദിയ ജനവിധി തേടുന്നത്. തെരഞ്ഞെടുപ്പ് ഫലം പുറത്തുവരാന് നിമിഷങ്ങള് മാത്രം ബാക്കി നില്ക്കെ മനീഷ് സിസോദിയ മുന്നേറുകയാണ്. കോണ്ഗ്രസിന്റെ ലക്ഷ്മണ് റാവത്തിനോടും ബിജെപിയുടെ രവി നേഗിയോടുമാണ് അദ്ദേഹം മത്സരിച്ചത്. 54 ശതമാനം വോട്ടുകള്ക്കാണ് ഇതേ മണ്ഡലത്തില് നിന്ന് മനീഷ് സിസോദിയ 2015 ല് വിജയിച്ചത്. ബിജെപിയുടെ വിനോദ് കുമാര് ബിന്നിയെയാണ് അന്ന് അദ്ദേഹം പരാജയപ്പെടുത്തിയത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam