അച്ഛനും അമ്മയും പോർച്ചുഗല്ലിൽ, കുട്ടിയെ നോക്കാൻ ഏൽപ്പിച്ചത് മുത്തശ്ശിയെ; പഞ്ചാബിൽ 5 വയസുകാരിയോട് 50 കാരിയുടെ ക്രൂരത

പഞ്ചാബിലെ ഫരീദ്കോട്ടിൽ വനിതാ അസിസ്റ്റന്‍റ് സബ് ഇൻസ്പെക്ടർ അഞ്ച് വയസുകാരിയായ കൊച്ചുമകളെ ഗേറ്റിൽ കെട്ടിയിട്ടു

ചണ്ഡീഗഢ്: പഞ്ചാബിലെ ഫരീദ്കോട്ടിൽ വനിതാ അസിസ്റ്റന്‍റ് സബ് ഇൻസ്പെക്ടർ അഞ്ച് വയസുകാരിയായ കൊച്ചുമകളെ ഗേറ്റിൽ കെട്ടിയിട്ടു. തുണികൊണ്ട് കൈകാലുകൾ കെട്ടി വെയിലത്ത് നിർത്തുകയായിരുന്നു. നിലത്ത് കിടന്ന് കുട്ടിനിലവിളിക്കുന്നതിന്‍റെ ദൃശ്യങ്ങൾ പുറത്തുവരികയും വ്യാപകമായി പ്രചരിക്കുകയും ചെയ്തതോടെ ഇവരെ ജോലിയില്‍ നിന്നും സസ്പെന്‍റ് ചെയ്തിട്ടുണ്ട്. പ്രചരിച്ച വീഡിയോയിൽ കുട്ടി കരയുന്നതും, പിന്നാലെ അയൽവാസികളെത്തി കെട്ടഴിച്ച് കൊടുക്കുന്നതും കാണാം. അയല്‍വാസികൾ തന്നെയാണ് കുട്ടിയുടെ വീഡിയോ ചിത്രീകരിച്ചതും. കുട്ടിയുടെ മാതാപിതാക്കൾ പോർച്ചുഗലിലാണ്. കുട്ടി മുത്തശ്ശിയുടെ സംരക്ഷണത്തിലാണ് കഴിഞ്ഞിരുന്നത്. പൊലീസ് ഉദ്യോഗസ്ഥകൂടിയായ മുത്തശ്ശി കുട്ടിയോട് ഈ ക്രൂരത കാണിച്ചത് എന്തിനെന്ന് വ്യക്തമല്ല.