സോന്ഭദ്ര കൂട്ടക്കൊല: മരിച്ചവരുടെ കുടുംബാംഗങ്ങളെ മുഖ്യമന്ത്രി യോഗി ആദിത്യ നാഥ് നാളെ സന്ദര്ശിക്കും
Synopsis
സോന്ഭദ്രയില് ഭൂമി തര്ക്കത്തെ തുടര്ന്ന് കഴിഞ്ഞ ദിവസം ഉണ്ടായ വെടിവെയ്പ്പില് പത്തു പേരാണ് കൊല്ലപ്പെട്ടത്
ലക്നൗ: ഉത്തര്പ്രദേശ് മുഖ്യമന്ത്രി യോഗി ആദിത്യ നാഥ് സോന്ഭദ്ര കൂട്ടക്കൊലയില് മരിച്ചവരുടെ കുടുംബാംഗങ്ങളെ നാളെ സന്ദര്ശിക്കും. വൈകിട്ട് കളക്ടറേറ്റില് വെച്ചു നടക്കുന്ന പ്രസ് കോണ്ഫറന്സിലും അദ്ദേഹം പങ്കെടുക്കും.
മിര്സാപൂരില് സോന്ഭദ്രയില് ഭൂമി തര്ക്കത്തെ തുടര്ന്ന് കഴിഞ്ഞ ദിവസം ഉണ്ടായ വെടിവെയ്പ്പില് പത്തു പേരാണ് കൊല്ലപ്പെട്ടത്. 24 പേര് ഗുരുതര പരിക്കുകളോടെ ചികിത്സയിലാണ്. കൊല്ലപ്പെട്ടവരുടെ കുടുംബത്തെ സന്ദര്ശിക്കാനെത്തിയ കോണ്ഗ്രസ് നേതാവ് പ്രിയങ്ക ഗാന്ധിയെ കഴിഞ്ഞ ദിവസം പൊലീസ് കരുതല് കസ്റ്റഡിയിലെടുത്തിരുന്നു.
സംഘർഷഭരിതമായ സോൻഭദ്രയിലെത്തിയ പ്രിയങ്കയെ പൊലീസ് തടഞ്ഞതിനെത്തുടർന്ന് 24 മണിക്കൂറോളം അവർ കുത്തിയിരുന്ന് പ്രതിഷേധിച്ചു. കുടുംബാംഗങ്ങളെ നേരില് കണ്ടതിന് ശേഷമാണ് പ്രിയങ്ക ഗാന്ധി പ്രതിഷേധം അവസാനിപ്പിച്ച് തിരികെ മടങ്ങിയത്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam