ലിംഗമാറ്റശസ്ത്രക്രിയയെ പിതാവ് എതിര്ത്തു; യുവാവ് ജീവനൊടുക്കി
Synopsis
ജോലിയ്ക്കൊന്നും ശ്രമിക്കാതെ കുറച്ചുനാളായി വീടിനുള്ളില് തന്നെ കഴിയുകയായിരുന്നു പാര്ത്ഥസാരഥി. മകന്റെ സ്വഭാവത്തില് അടുത്തിടെ വന്ന മാറ്റങ്ങള് മാതാപിതാക്കളെയും ആശങ്കയിലാക്കിയിരുന്നു.
ചെന്നൈ: ലിംഗമാറ്റ ശസ്ത്രക്രിയയെ പിതാവ് എതിര്ത്തതില് മനംനൊന്ത് യുവാവ് ആത്മഹത്യ ചെയ്തു. ചെന്നൈയിലെ മണലിയിലാണ് സംഭവം.
വിരുഗമ്പാക്കം സ്വദേശിയായ ഗജേന്ദ്രന്റെ മകന് പാര്ത്ഥസാരഥി ആണ് ആത്മഹത്യ ചെയ്തത്. ബിസിഎ ബിരുദധാരിയായിരുന്നു 21കാരനായ പാര്ത്ഥസാരഥി. ജോലിയ്ക്കൊന്നും ശ്രമിക്കാതെ കുറച്ചുനാളായി വീടിനുള്ളില് തന്നെ കഴിയുകയായിരുന്നു പാര്ത്ഥസാരഥി. മകന്റെ സ്വഭാവത്തില് അടുത്തിടെ വന്ന മാറ്റങ്ങള് മാതാപിതാക്കളെയും ആശങ്കയിലാക്കിയിരുന്നു.
കുറച്ചുദിവസം മുമ്പാണ് താന് ലിംഗമാറ്റശസ്ത്രക്രിയ നടത്താന് പോകുകയാണെന്ന് പാര്ത്ഥസാരഥി വീട്ടുകാരെ അറിയിച്ചത്. ഇതിനെ ഗജേന്ദ്രന് എതിര്ത്തതോടെ പാര്ത്ഥസാരഥി വീട്ടുകാരോട് കലഹിച്ച് അവിടെനിന്നിറങ്ങിപ്പോയി. മൂന്നു ദിവസങ്ങള്ക്ക് ശേഷമാണ് പാര്ത്ഥസാരഥി ട്രാന്സ്ജെന്ഡര് സുഹൃത്തുക്കള്ക്കൊപ്പം മണലിയിലുണ്ടെന്ന് ഗജേന്ദ്രന് അറിഞ്ഞത്. അവിടെയെത്തി മകനോട് കൂടെ വരാന് ആവശ്യപ്പെട്ടെങ്കിലും പാര്ത്ഥസാരഥി തയ്യാറായില്ല.
അടുത്ത ദിവസം താന് വീണ്ടുമെത്തുമെന്ന് പറഞ്ഞ് ഗജേന്ദ്രന് മടങ്ങിയതിന് പിന്നാലെ പാര്ത്ഥസാരഥി മുറിയിലെത്തി ആത്മഹത്യ ചെയ്യുകയായിരുന്നു. മണാലി പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ഇന്ത്യയിലെയും ലോകമെമ്പാടുമുള്ള എല്ലാ India News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam