കാലം തെറ്റിയ കാട്ടുതീ: കാലിഫോർണിയയിൽ രണ്ടിടത്തായി തീ പടരുന്നു; താമസക്കാരോട് വീടുകൾ ഒഴിയാൻ ആവശ്യപ്പെട്ടു

അമേരിക്കയിലെ കാലിഫോർണിയയിലെ റിവർസൈഡ് കൗണ്ടിയിൽ കാട്ടുതീ പടരുകയാണ്. കനത്ത ചൂടും ശക്തമായ കാറ്റും കാരണം 4,000 ഏക്കറിലധികം സ്ഥലത്തേക്ക് തീ വ്യാപിച്ചതോടെ, താമസക്കാരോട് ഒഴിഞ്ഞുപോകാൻ അധികൃതർ നിർദ്ദേശിച്ചു. അസാധാരണമായി വസന്തകാലത്തുണ്ടായ ഈ തീപിടുത്തം വലിയ ആശങ്ക സൃഷ്ടിക്കുന്നുണ്ട്.

വാഷിങ്ടൺ: അമേരിക്കയിലെ കാലിഫോർണിയ സ്റ്റേറ്റിലെ റിവർസൈഡ് കൗണ്ടിയിൽ കാട്ടുതീ പടരുന്നു. കനത്ത ചൂടും മണിക്കൂറിൽ 50 മൈൽ വേഗതയിൽ വീശുന്ന കാറ്റും തീ ആളിപ്പടരാൻ കാരണമായി. ഇതിനകം 4,000 ഏക്കറിലധികം സ്ഥലത്ത് തീ പടർന്നു. വേനൽക്കാല ഉഷ്ണതരംഗവും ശക്തമായ കാറ്റുമാണ് തീ വേഗത്തിൽ പടരാൻ കാരണമായത്. തീ വീടുകളിലേക്കും മറ്റ് കെട്ടിടങ്ങളിലേക്കും പടരാൻ സാധ്യതയുള്ളതിനാൽ ഈ ഭാഗത്തെ താമസക്കാരോട് വീടുകൾ ഒഴിഞ്ഞുപോകാൻ അധികൃതർ ആവശ്യപ്പെട്ടു.

കാലിഫോർണിയയിൽ സാധാരണയായി വേനൽക്കാലത്താണ് കാട്ടുതീ ഉണ്ടാകാറുള്ളതെങ്കിലും, ഇത്തവണ വസന്തകാലത്ത് ഇത്തരത്തിൽ വലിയ തീപിടുത്തം ഉണ്ടായത് ആശങ്കയുണ്ടാക്കുന്നുണ്ട്. ഈ ഭാഗത്ത് ഒരേസമയം രണ്ട് വലിയ കാട്ടുതീകളാണ് റിപ്പോർട്ട് ചെയ്തിരിക്കുന്നത്. അഗ്നിശമന സേനാംഗങ്ങൾ തീ അണയ്ക്കാൻ കഠിനശ്രമം നടത്തുന്നുണ്ടെങ്കിലും ശക്തമായ കാറ്റ് തടസ്സമാകുന്നുണ്ട്. ജനങ്ങളോട് ജാഗ്രത പാലിക്കാനും സുരക്ഷിത സ്ഥാനങ്ങളിലേക്ക് മാറാനും പ്രാദേശിക ഭരണകൂടം കർശന നിർദ്ദേശം നൽകിയിട്ടുണ്ട്.