'വരൂ, സ്ഥിരതാമസമാക്കൂ'; കുടിയേറ്റത്തിന് ആളുകളെ ക്ഷണിച്ച് സമ്പന്ന രാജ്യം, ഓരോ വർഷവും 4.85 ലക്ഷം ആളുകൾക്ക് അവസരം

2024-ൽ 485,000 കുടിയേറ്റക്കാരെയും 2025, 2026 വർഷങ്ങളിൽ 500,000 കുടിയേറ്റക്കാരെയുമാണ് കാനഡ ലക്ഷ്യമിടുന്നത്. 2024-ൽ എക്‌സ്‌പ്രസ് എൻട്രിയിലൂടെ ലക്ഷ്യമിടുന്നത് 110,700 സ്ഥിരതാമസക്കാരെയാണ്.

ഒട്ടാവ: പുതിയ കുടിയേറ്റ നയം പ്രഖ്യാപിച്ച് കാനഡ.  ഇമിഗ്രേഷൻ ലെവൽ പ്ലാൻ 2024-26 ബുധനാഴ്ചയാണ് കാനഡ പുറത്തിറക്കിയത്. സാമ്പത്തികം, കുടുംബം, മാനുഷികത എന്നിങ്ങനെ മൂന്ന് വിഭാ​ഗങ്ങളിൽ ഓരോന്നിനും കീഴിൽ അടുത്ത മൂന്ന് വർഷത്തേക്ക് കാനഡയിലേക്ക് ക്ഷണിക്കുന്ന സ്ഥിരതാമസക്കാരുടെ എണ്ണത്തെ സംബന്ധിച്ച മാർ​ഗ നിർദ്ദേശങ്ങളാണ് പുറത്തിറക്കിയത്. പുതിയ മാനദണ്ഡ പ്രകാരം ഇപ്പോൾ ഓരോ വർഷവും 4.85 ലക്ഷം പുതിയ കുടിയേറ്റക്കാരെ രാജ്യം സ്വാഗതം ചെയ്യും. ചരിത്രത്തിലെ ഏറ്റവും ഉയർന്ന നിരക്കാണിത്. അഭയാർഥികൾക്കും കാഡന ഇടം നൽകും. 

2024-ൽ 485,000 കുടിയേറ്റക്കാരെയും 2025, 2026 വർഷങ്ങളിൽ 500,000 കുടിയേറ്റക്കാരെയുമാണ് കാനഡ ലക്ഷ്യമിടുന്നത്. 2024-ൽ എക്‌സ്‌പ്രസ് എൻട്രിയിലൂടെ ലക്ഷ്യമിടുന്നത് 110,700 സ്ഥിരതാമസക്കാരെയാണ്. 2025-ലും 2026-ലും ഇത് 117,500 ആയി വർധിക്കും. പ്രൊവിൻഷ്യൽ നോമിനി പ്രോഗ്രാം പ്രകാരം 2024-ൽ 110,000 കുടിയേറ്റക്കാരായിരിക്കും അനുവദിക്കുക. എന്നാൽ 2025-ലും 2026-ലും 120,000 ആയി ഉയരും. 2024ൽ 82,000 പേരെ പ്രവേശിപ്പിക്കുക എന്നതാണ് സ്‌പൗസൽ, പാർട്‌ണർ, ചിൽഡ്രൻ സ്‌പോൺസർഷിപ്പിന്റെ ലക്ഷ്യം.

Read More.... ബീഫ് കൊണ്ടുള്ള പ്രത്യേക വിഭവം കഴിച്ച് മരിച്ചത് 3 പേർ, അറസ്റ്റിലായി മുൻമരുമകൾ, ഓസ്ട്രേലിയയിലും 'കൂടത്തായി മോഡൽ'

2025, 2026 വർഷങ്ങളിൽ ഇത് 84,000 ആയി ഉയരും. 2024-ൽ 32,000 പുതിയ ആളുകളെ സ്വാഗതം ചെയ്യും. കാനഡയുടെ ഇമിഗ്രേഷൻ ആന്റ് റഫ്യൂജി പ്രൊട്ടക്ഷൻ ആക്ട് (IRPA) പ്രകാരം ഫെഡറൽ ഗവൺമെന്റ് അതിന്റെ വാർഷിക ഇമിഗ്രേഷൻ പ്ലാൻ നവംബർ 1-നകം അവതരിപ്പിക്കണം.