ലോകത്ത് കൊവിഡ് മരണം രണ്ടേമുക്കാല് ലക്ഷം കടന്നു; രോഗികള് 40 ലക്ഷത്തിലധികം
Synopsis
ബ്രസീലില് 800 ല് അധികം പേര് കൊവിഡ് ബാധിച്ച് മരിക്കുകയും പുതുതായി 9000 ത്തില് അധികം പേര്ക്ക് കൊവിഡ് സ്ഥിരീകരിക്കുകയും ചെയ്തു.
വാഷിംഗ്ടണ്: ലോകത്ത് കൊവിഡ് ബാധിതര് 40 ലക്ഷം കവിഞ്ഞു. കൊവിഡ് ബാധിച്ച് മരിച്ചവരുടെ എണ്ണം 2,75,000 കടന്നു. ഇറ്റലിയില് മരണം മുപ്പതിനായിരം കടന്നു. ഇതോടെ യൂറോപ്യന് യൂണിയനില് ഏറ്റവും കൂടുതല് കൊവിഡ് മരണം റിപ്പോര്ട്ട് ചെയ്ത രാജ്യമായി ഇറ്റലി മാറി. ബ്രസീലില് 800 ല് അധികം പേര് കൊവിഡ് ബാധിച്ച് മരിക്കുകയും പുതുതായി 9000 ത്തില് അധികം പേര്ക്ക് കൊവിഡ് സ്ഥിരീകരിക്കുകയും ചെയ്തു. റഷ്യയില് പതിനായിരത്തിലധികം പേര്ക്ക് കൂടി കൊവിഡ് റിപ്പോര്ട്ട് ചെയ്തതോടെ ആകെ കൊവിഡ് ബാധിതര് 1,80,000 കടന്നു.
അമേരിക്കയിലെ കൊവിഡ് രോഗബാധിതരുടെ എണ്ണം 13 ലക്ഷം കവിഞ്ഞു. രണ്ടേകാൽ ലക്ഷത്തിലധികം പേർ രോഗമുക്തി നേടി. ഇന്നലെ മാത്രം അമേരിക്കയില് മരിച്ചത് 1,600 ല് അധികം പേരാണ്.വൈറ്റ് ഹൗസിലെ ജീവനക്കാർക്ക് പുതുതായി കൊവിഡ് സ്ഥിരീകരിച്ചത് ആശങ്ക ഉളവാക്കുന്നു. അതേസമയം ഇന്ത്യയില് 24 മണിക്കൂറിനിടെ 103 പേർ കൊവിഡ് ബാധിച്ച് മരിച്ചു. ഇതോടെ ആകെ മരണം 1886 ആയി. 3390 പേർക്കാണ് പുതുതായി രോഗം സ്ഥിരീകരിച്ചത്. ഇതോടെ ആകെ രോഗബാധിതർ 56,000 കവിഞ്ഞു
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam