ബീച്ചില് നടക്കുന്നതിനിടെ ഇന്ത്യന് വംശജയെ കാണാതായി; ഡൊമനിക്കൻ റിപ്പബ്ലിക്കില് യുവതിയെ കണ്ടെത്താൻ തിരച്ചില്
Synopsis
കടല്ക്കരയിലൂടെ നടക്കുന്നതിനിടെയാണ് സുദിക്ഷയെ കാണാതായത്. പിന്നീട് ഇതുവരെ ഒരു വിവരവും ലഭിച്ചിട്ടില്ല.
വാഷിങ്ടണ്: യുഎസിലെ പിറ്റ്സ്ബര്ഗ് യൂണിവേഴ്സിറ്റിയില് വിദ്യാര്ത്ഥിനിയായിരുന്ന ഇന്ത്യന് വംശജയെ കാണാതായി. ഡൊമനിക്കന് റിപ്പബ്ലിക്കില് കൂട്ടുകാരോടൊപ്പം അവധിക്കാലം ആഘോഷിക്കാന് പോയ സുദിക്ഷ (20)യെയാണ് കാണാതായത്.യുവതിയെ കണ്ടെത്താന് തിരച്ചില് നടത്തുകയാണെന്ന് അധികൃതര് പറഞ്ഞു. വ്യാഴാഴ്ച ഡൊമനിക്കന് റിപ്പബ്ലിക്കിലെ പുന്റ കാനയിലെ കടല്ക്കരയിലൂടെ നടക്കുന്നതിനിടെയാണ് സുദിക്ഷയെ കാണാതായത്. പിന്നീട് ഇതുവരെ പെണ്കുട്ടിയെ പറ്റി ഒരു വിവരവും ലഭിച്ചിട്ടില്ല.
ഡൊമിനിക്കൻ റിപ്പബ്ലിക് ആസ്ഥാനമായുള്ള സെർച്ച് ആൻഡ് റെസ്ക്യൂ ടീമായ ഡിഫെൻസ സിവിൽ യുവതിയെ കണ്ടെത്താന് തിരച്ചില് നടത്തുന്നുണ്ട്. യൂണിവേഴ്സിറ്റി അധികൃതര് വിദ്യാര്ത്ഥിനിയുടെ കുടുംബാംഗങ്ങളുമായി ബന്ധപ്പെട്ടിട്ടുണ്ടെന്ന് പിറ്റ്സ്ബര്ഗ് യൂണിവേഴ്സിറ്റി വക്താവ് അറിയിച്ചു.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam