ഇനി 'ഇസ്ലാമിക് എമിറേറ്റ്സ് ഓഫ് അഫ്ഗാനിസ്ഥാന്'; പേരുമാറ്റി താലിബാന്
Synopsis
അതേസമയം അഫ്ഗാനിസ്ഥാന് തലസ്ഥാന നഗരം കാബൂളില് നിന്നും കൂട്ടമായി നടുവിടാനുള്ള വഴിനോക്കുകയാണ് ജനങ്ങള്. വിവിധ അന്താരാഷ്ട്ര മാധ്യമ റിപ്പോര്ട്ടുകള് പ്രകാരം കാബൂള് വിമാനത്താവളത്തില് നാടകീയ രംഗങ്ങളാണ് അരങ്ങേറുന്നത്.
കാബൂള്: ഭരണം പിടിച്ചെടുത്തതിന് പിന്നാലെ അഫ്ഗാനിസ്ഥാന്റെ പേരുമാറ്റി താലിബാന്. ഇസ്ലാമിക് റിപ്പബ്ലിക് ഓഫ് അഫ്ഗാനിസ്ഥാന് എന്നതിന് പകരം ഇസ്ലാമിക് എമിറേറ്റ്സ് ഓഫ് അഫ്ഗാനിസ്ഥാന് എന്നായിരിക്കും പുതിയ പേര്. പേരു മാറ്റിയതായി താലിബാന് വക്താവ് സ്ഥിരീകരിച്ചു.
അഫ്ഗാനിസ്ഥാന് തലസ്ഥാന നഗരം കാബൂളില് നിന്നും കൂട്ടമായി നടുവിടാനുള്ള വഴിനോക്കുകയാണ് ജനങ്ങള്. വിവിധ അന്താരാഷ്ട്ര മാധ്യമ റിപ്പോര്ട്ടുകള് പ്രകാരം കാബൂള് വിമാനത്താവളത്തില് നാടകീയ രംഗങ്ങളാണ് അരങ്ങേറുന്നത്. ആയിരങ്ങളാണ് വിമാനത്താവളത്തില് തമ്പടിച്ചിരിക്കുന്നത്. എത്രയും വേഗം അഫ്ഗാനിസ്ഥാന് മണ്ണ് വിടാനാണ് ഇവര് ഉദ്ദേശിക്കുന്നത്. എന്നാല് നിലവില് വിവിധ രാജ്യങ്ങള് കാബൂളില് നിന്നുള്ള വിമാന സര്വീസുകള് നിര്ത്തിവച്ചിരിക്കുകയാണ്. ഇതിനിടെ ഇവിടെ വെടിവെപ്പ് ഉണ്ടായതായും നിരവധി പേര്ക്ക് പരിക്കേറ്റതായും വിവരമുണ്ട്.
വാര്ത്ത ഏജന്സി റിപ്പോര്ട്ട് പ്രകാരം, കാബൂള് എയര്പോര്ട്ടില് ഇതുവരെ താലിബാന് പ്രവേശിച്ചിട്ടില്ല. എന്നാല് ഇവിടുത്തേക്ക് ജനങ്ങള് ഒഴുകാന് തുടങ്ങിയതോടെ ഇവിടുത്തേക്കുള്ള എല്ലാ റോഡുകളും താലിബാന് അടച്ചിരിക്കുകയാണ്. അതേസമയം കാബൂള് വിമാനത്താവളത്തിലെ സ്ഥിതിഗതികളെ തുടര്ന്ന് എയര് ഇന്ത്യ സമയമാറ്റം നടത്തി. ദില്ലിയില് നിന്ന് രാത്രി 8.30 ന് പുറപ്പെടേണ്ട എയര് ഇന്ത്യ വിമാനം ഉച്ചയ്ക്ക് 12.30ന് കാബൂളിലേക്ക് പുറപ്പെടും. കാബൂളില് നിന്നുള്ള അടിയന്തര ദൗത്യത്തിനായി രണ്ട് വിമാനങ്ങളും വിമാന ജീവനക്കാരെയും തയ്യാറാക്കി നിര്ത്താന് കേന്ദ്രസര്ക്കാര് എയര് ഇന്ത്യയ്ക്ക് നിര്ദ്ദേശം നല്കി.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona.
ഇന്ത്യയിലെയും ലോകമെമ്പാടുമുള്ള എല്ലാ International News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam Live News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam