' അടിച്ച് നിന്റെയൊക്കെ ഷെയ്പ്പ് ഞാൻ മാറ്റും'; എസ്എഫ്ഐ- പ്രൻസിപ്പാൾ തർക്കവീഡിയോ പുറത്ത്

ഈ വീഡിയോയിൽ പ്രിൻസിപ്പാൾ എശ്എഫ്ഐ പ്രവർത്തകരോട് കയർക്കുന്നത് കാണാം. എന്റെ ക്യാമ്പസിൽ ക്യാമറയുണ്ടെന്ന് പറയാൻ നീയാരാടാ? അടിച്ച് നിന്റെയൊക്കെ ഷെയ്പ്പ് ഞാൻ മാറ്റും'-തുടങ്ങിയ പരാമർശങ്ങളാണ് പ്രിൻസിപ്പാൾ നടത്തുന്നത്.   

തിരുവനന്തപുരം: തിരുവനന്തപുരം നേഴ്സിം​ഗ് കോളേജിൽ എസ്എഫ്ഐയും പ്രിൻസിപ്പാളും തമ്മിലുള്ള തർക്കത്തിന്റെ വീഡിയോ പുറത്ത്. പെണ്‍കുട്ടികളുടെ ഹോസ്റ്റലുമായി ബന്ധപ്പെട്ട വിഷയങ്ങൾ സംസാരിക്കാനെത്തിയപ്പോഴാണ് ഇരു കൂട്ടരും തമ്മിൽ തർക്കമുണ്ടായത്. ഇതിന്റെ വീഡിയോ എസ്എഫ്ഐ ആണ് പുറത്തുവിട്ടത്. ഈ വീഡിയോയിൽ പ്രിൻസിപ്പാൾ എസ്എഫ്ഐ പ്രവർത്തകരോട് കയർക്കുന്നത് കാണാം. എന്റെ ക്യാമ്പസിൽ ക്യാമറയുണ്ടെന്ന് പറയാൻ നീയാരാടാ? അടിച്ച് നിന്റെയൊക്കെ ഷെയ്പ്പ് ഞാൻ മാറ്റും'-തുടങ്ങിയ പരാമർശങ്ങളാണ് പ്രിൻസിപ്പാൾ നടത്തുന്നത്. 

ഹോസ്റ്റിൽ ക്യാമറ വെക്കണം, സുരക്ഷ ഉറപ്പാണം തുടങ്ങിയ കാര്യങ്ങളാണ് ആവശ്യപ്പെട്ടത്. ഇത് ഒറ്റപ്പെട്ട സംഭവമല്ല, നേരത്തേയും പ്രിൻസിപ്പാളിൽ നിന്നും ഇത്തരത്തിലുള്ള പെരുമാറ്റം ഉണ്ടായിട്ടുണ്ടെന്ന് എസ്എഫ്ഐ പറയുന്നു. ഇത് പൊലീസ് സ്റ്റേഷനിൽ പരാതിയായി ഉന്നയിച്ചിരുന്നുവെന്നും അവർ പറയുന്നു. അതേസമയം, ഈ വീഡിയോയിൽ കാണുന്നത് മാത്രമല്ല, എസ്എഫ്ഐ പ്രവർത്തകർ പ്രിൻസിപ്പാളിനെ ചീത്ത വിളിക്കുന്നതും വീഡിയോയിലുണ്ടെന്നാണ് പുറത്തുവരുന്നത്. അത്തരം ദൃശ്യങ്ങൾ പുറത്ത് വരാനുണ്ട്. അതേസമയം, പ്രിൻസിപ്പാൾ അവധിയിലാണ്. മാധ്യമങ്ങളോട് പ്രതികരിക്കാൻ തയ്യാറായിട്ടില്ല. സംഭവത്തിൽ ആരും ഔദ്യോ​ഗികമായി പരാതി നൽകിയിട്ടില്ല. പ്രിൻസിപ്പാളിനെതിരെ സമരം ശക്തമാക്കാനൊരുങ്ങുകയാണ് എസ്എഫ്ഐ.