നിയന്ത്രണം തെറ്റിയ ബൈക്ക് മതിലിൽ ഇടിച്ച് ഐടിഐ വിദ്യാർത്ഥി മരിച്ചു

Published : Nov 20, 2026, 04:30 AM IST
21 year old iti student dies after bike crashes into wall in mavelikkara

Synopsis

മറ്റൊരു സ്കൂട്ടറിൽ തട്ടി നിയന്ത്രണം വിട്ട ബൈക്ക് മതിലില്‍ ഇടിച്ച് ബൈക്ക് യാത്രികനായ ഐ ടി ഐ വിദ്യാർത്ഥി മരിച്ചു.

മാവേലിക്കര: മറ്റൊരു സ്കൂട്ടറിൽ തട്ടി നിയന്ത്രണം വിട്ട ബൈക്ക് മതിലില്‍ ഇടിച്ച് ബൈക്ക് യാത്രികനായ ഐ ടി ഐ വിദ്യാർത്ഥി മരിച്ചു. മാവേലിക്കര വിക്രം സാരാഭായി ഐടിഐയിലെ രണ്ടാംവർഷ ഇലക്ട്രിക്കൽ വിദ്യാർത്ഥി തെക്കേക്കര പല്ലാരിമംഗലം സൗപർണികയിൽ ശാന്തകുമാറിന്റെയും രാജിയുടെയും മകൻ എസ് ആദർശ് കുമാർ (കിച്ചു - 21) ആണ് മരിച്ചത്. ഇന്നലെ രാവിലെ 7.45 ഓടെ മാവേലിക്കര-രണ്ടാംകുറ്റി റോഡിൽ കൊച്ചുപറമ്പിൽ ജംഗ്ഷനിലായിരുന്നു അപകടം. ആദർശ് സുഹൃത്തിനൊപ്പം ഐ ടി ഐയിലേക്ക് പോകും വഴി കൊച്ചു പറമ്പിൽ ജംഗ്ഷനിൽ റോഡ് ക്രോസ് ചെയ്യുകയായിരുന്ന സ്കൂട്ടർ യാത്രികരുടെ പിന്നൽ തട്ടി ഇവർ സഞ്ചരിച്ചിരു ബൈക്കിന്റെ നിയന്ത്രണം നഷ്ടമാകുകയായിരുന്നു.

ഇടത്തേക്ക് ചരിഞ്ഞ ബൈക്ക് സമീപത്തെ മതിലിൽ ഇടിച്ച് ഓടയുടെ സ്ലാബിലേക്ക് ഇരുവരും തെറിച്ചു വീഴുകയായിരുന്നു. തലയ്ക്ക് ഗുരുതര പരിക്കേറ്റ ആദർശിനെ ഒപ്പം ഉണ്ടായിരുന്ന സുഹൃത്ത് ആദിദേവിനേയും ഉടൻ തന്നെ മാവേലിക്കര ജില്ലാ ആശുപത്രിയിൽ എത്തിച്ചു. തുടർന്ന് തട്ടാരമ്പലത്തിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സ്കൂട്ടർ യാത്രികരായ താമരക്കുളം സ്വദേശി മനോജും ഇയാളുടെ മകനും നിസാര പരിക്കുകളോട് രക്ഷപെട്ടു. ആദിദേവ് മാവേലിക്കര ജില്ല ആശുപത്രിയിൽ ചികിത്സതേടി.

PREV

കേരളത്തിലെ എല്ലാ വാർത്തകൾ Kerala News അറിയാൻ  എപ്പോഴും ഏഷ്യാനെറ്റ് ന്യൂസ് വാർത്തകൾ.  Malayalam News   തത്സമയ അപ്‌ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam

Read more Articles on
click me!

Recommended Stories

മദ്യം വാങ്ങിച്ചു കൊടുത്തില്ലെങ്കിൽ വെടിവച്ച് കൊല്ലുമെന്ന് ഭീഷണി, മൂവർ സംഘം പിടിയിൽ
ടെക്നോപാർക്കിൽ ആവേശത്തിരയിളക്കി പ്രതിധ്വനി-ഏഷ്യാനെറ്റ് ന്യൂസ് ഐടി കലോത്സവത്തിന് തുടക്കം; 6 ദിനങ്ങളിൽ 50 ഇനങ്ങളിലായി മാറ്റുരയ്ക്കുന്നത് 1500 ടെക്കികൾ