സംസ്ഥാനത്തിന് നേട്ടം; 3 ആശുപത്രികള്ക്ക് കൂടി ദേശീയ ഗുണനിലവാര അംഗീകാരം
Synopsis
ഇതോടെ സംസ്ഥാനത്തെ 160 ആശുപത്രികള്ക്കാണ് എന്.ക്യു.എ.എസ്. അംഗീകാരം നേടിയെടുക്കാനായതെന്ന് മന്ത്രി വ്യക്തമാക്കി.
തിരുവനന്തപുരം: സംസ്ഥാനത്തെ 3 ആശുപത്രികള്ക്ക് കൂടി നാഷണല് ക്വാളിറ്റി അഷ്വറന്സ് സ്റ്റാന്ഡേര്ഡ് (എന്.ക്യു.എ.എസ്) അംഗീകാരം ലഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. കോഴിക്കോട് എഫ്എച്ച്സി ചെക്കിയാട് 92% സ്കോറും, പത്തനംതിട്ട എഫ്എച്ച്സി ചന്ദനപ്പള്ളി 90% സ്കോറും, കൊല്ലം എഫ്എച്ച്സി അഴീക്കല് 93% സ്കോറും നേടിയാണ് പുതുതായി അംഗീകാരം നേടിയത്. ഇതോടെ സംസ്ഥാനത്തെ 160 ആശുപത്രികള്ക്കാണ് എന്.ക്യു.എ.എസ്. അംഗീകാരം നേടിയെടുക്കാനായതെന്നും മന്ത്രി വ്യക്തമാക്കി.
അഞ്ച് ജില്ലാ ആശുപത്രികള്, 4 താലൂക്ക് ആശുപത്രികള്, 8 സാമൂഹികാരോഗ്യ കേന്ദ്രങ്ങള്, 39 അര്ബന് പ്രൈമറി ഹെല്ത്ത് സെന്റര്, 104 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ്. അംഗീകാരം നേടിയിട്ടുള്ളത്. ഇതുകൂടാതെ 10 ആശുപത്രികള്ക്ക് ലക്ഷ്യ സര്ട്ടിഫിക്കേഷനും ലഭിച്ചിട്ടുണ്ട്. സംസ്ഥാനത്തെ കൂടുതല് സര്ക്കാര് ആശുപത്രികളെ ദേശിയ ഗുണനിലവാരത്തിലേക്ക് ഉയര്ത്തി മികച്ച സംവിധാനങ്ങളും സേവനങ്ങളുമൊരുക്കാന് ആരോഗ്യ വകുപ്പ് കര്മ്മ പദ്ധതി ആവിഷ്ക്കരിച്ച് നടപ്പിലാക്കി വരുന്നു.
എല്ലാ ജില്ലാ ആശുപത്രികളിലും ഗുണനിലവാരം ഉറപ്പാക്കാനായി മന്ത്രിയുടെ നേതൃത്വത്തില് എംഎല്എമാരുള്പ്പെടെയുള്ള ജനപ്രതിനിധികളെ ഉള്പ്പെടുത്തി യോഗങ്ങള് ചേര്ന്ന് നടപടി സ്വീകരിച്ചു വരുന്നു. എംഎല്എമാരുടെയും മറ്റ് ജനപ്രതിനിധികളുടേയും തദ്ദേശ സ്വയംഭരണ സ്ഥാപനങ്ങളുടേയും സഹകരണത്തോടെ സര്ക്കാര് ആശുപത്രികളെ ദേശീയ നിലവാരത്തിലേക്ക് ഉയര്ത്തുകയാണ് ലക്ഷ്യം.
Read More : 36 പേരുടെ ജീവനെടുത്ത കിണറപകടം; ക്ഷേത്രത്തിലെ അനധികൃത നിര്മിതികള് ബുൾഡോസർ കൊണ്ട് പൊളിച്ച് അധികൃതര്
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam