പ്രായപൂർത്തിയാകാത്ത കുട്ടിയെ ലൈംഗികാതിക്രമത്തിന് ഇരയാക്കിയത് ഒരു വർഷത്തോളം; പ്രതിക്ക് 23 വർഷം തടവും പിഴയും
Synopsis
2023-ലാണ് കേസിനാസ്പദമായ സംഭവം നടന്നത്. പ്രായപൂര്ത്തിയാവാത്ത കുട്ടിക്കെതിരെ ഒരു വര്ഷത്തോളം പ്രതി ലൈംഗികാതിക്രമം നടത്തിയെന്ന പൊലീസ് കണ്ടെത്തുകയായിരുന്നു.
മീനങ്ങാടി: പ്രായപൂര്ത്തിയാകാത്ത കുട്ടിക്കെതിരെ ലൈംഗികാതിക്രമം നടത്തിയയാള്ക്ക് വിവിധ വകുപ്പുകളിലായി 23 വര്ഷം തടവും 30000 രൂപ പിഴയും വിധിച്ചു. പുറക്കാടി പാലക്കമൂല സ്വദേശി പി എന് ഷിജു (44) വിനെ യാണ് സുല്ത്താന് ബത്തേരി ഫാസ്റ്റ് ട്രാക്ക് കോടതി ജഡ്ജ് കെ. കൃഷ്ണകുമാര് ശിക്ഷിച്ചത്. 2023-ലാണ് കേസിനാസ്പദമായ സംഭവം നടന്നത്. പ്രായപൂര്ത്തിയാവാത്ത കുട്ടിക്കെതിരെ ഒരു വര്ഷത്തോളം പ്രതി ലൈംഗികാതിക്രമം നടത്തിയെന്ന പൊലീസ് കണ്ടെത്തുകയായിരുന്നു.
അന്നത്തെ മീനങ്ങാടി സ്റ്റേഷന് ഇന്സ്പെക്ടര് എസ്എച്ച്ഒ ആയിരുന്ന ബിജു ആന്റണിയാണ് കേസില് ആദ്യം അന്വേഷണം നടത്തിയത്. പിന്നീട് പി ജെ കുര്യാക്കോസ് അന്വേഷണം പൂര്ത്തിയാക്കി കോടതി മുന്പാകെ കുറ്റപത്രം സമര്പ്പിച്ചു. സബ് ഇന്സ്പെക്ടര്മാരായ സി രാംകുമാര്, കെ.ടി മാത്യു എന്നിവരും അന്വേഷണ സംഘ ത്തിലുണ്ടായിരുന്നു. പ്രോസിക്യൂഷന് വേണ്ടി സ്പെഷ്യല് പ്രോസിക്യൂട്ടര് അഡ്വ. ഓമന വര്ഗീസ് ഹാജരായി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam