'ജാമ്യവ്യവസ്ഥയിൽ ഇളവ് അനുവദിക്കണം'; അബ്ദുൾ നാസർ മഅദനി സുപ്രീംകോടതിയിൽ

ആരോഗ്യപരമായ കാരണങ്ങളും കൊവിഡ് സാഹചര്യവും ചൂണ്ടിക്കാട്ടി നാട്ടിലേക്ക് മടങ്ങാനുള്ള അനുമതി തേടിയാണ് മഅദനിയുടെ ഹർജി.   

ബം​ഗളൂരു: ബം​ഗളൂരു സ്‌ഫോടനക്കേസിൽ ജാമ്യവ്യവസ്ഥയിൽ ഇളവ് തേടി അബ്ദുൾ നാസർ മഅദനി സുപ്രീം കോടതിയെ സമീപിച്ചു. ആരോഗ്യപരമായ കാരണങ്ങളും കൊവിഡ് സാഹചര്യവും ചൂണ്ടിക്കാട്ടി നാട്ടിലേക്ക് മടങ്ങാനുള്ള അനുമതി തേടിയാണ് മദനിയുടെ ഹർജി.   

ഏപ്രിൽ 5നു ഹർജി കോടതി പരിഗണിക്കുമെന്ന് അഭിഭാഷകൻ അറിയിച്ചു. പ്രോസിക്യൂഷൻ അനാവശ്യമായി വിചാരണ വൈകിപ്പിക്കുകയാണെന്നും താൻ ബംഗളുരുവിൽ തങ്ങാതെ തന്നെ ഇനി വിചാരണ നടപടികൾ തുടരാമെന്നും ഹർജിയിൽ പറഞ്ഞിട്ടുണ്ട്.