പാലില് വിഷാംശം; വിവിധ ജില്ലകളില് നിന്നുള്ള സാമ്പിളുകളില് അഫ്ലാടോക്സിന് കണ്ടെത്തി
Synopsis
കേടായ കാലിത്തീറ്റ നല്കുന്നത് മൂലം പാലില് ഉണ്ടാകുന്ന വിഷമാണിത്. കാന്സര് അടക്കം മാരക രോഗങ്ങള്ക്ക് അഫ്ലാടോക്സിന് എം 1 കാരണമാകും.
തിരുവനന്തപുരം: സംസ്ഥാനത്തെ ഭക്ഷ്യസുരക്ഷാ പരിശോധനയിൽ പാലിൽ വിഷാംശമായ അഫ്ലാടോക്സിന് കണ്ടെത്തി. 452 സാംപിളുകളെടുത്ത് പരിശോധിച്ചതിൽ പത്ത് ശതമാനം സാംപിളുകളിലാണ് അഫ്ലാടോക്സിന് ഉള്ളത്. പശുക്കൾക്ക് നൽകുന്ന തീറ്റയിലൂടെ പാലിലെത്തുന്നതാണ് ഈ വിഷാംശം. കാലിത്തീറ്റയിലെ പൂപ്പൽ, ഫംഗസ് ബാധ എന്നിവയിലൂടെയാണ് ഇതുണ്ടാകുന്നത്. മനുഷ്യരിൽ വയറ്റിലെ അസ്വസ്ഥതകൾ മുതൽ ഗുരുതരമായ രോഗാവസ്ഥയ്ക്ക് വരെ കാരണമാകാവുന്നതാണ് ഇത്. അതേസമയം, മുൻ പരിശോധനകളിൽ കണ്ടെത്തിയ ഈ വിഷാംശം ഇപ്പോൾ കുറഞ്ഞുവരുന്നതായി ഭക്ഷ്യ സുരക്ഷാ ഉദ്യോഗസ്ഥർ പറഞ്ഞു. വിഷാംശമായ അഫ്ലാടോക്സിന് കണ്ടെത്തിയതിൽ പ്രോസിക്യൂഷൻ നടപടികൾ തുടങ്ങി.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam