പ്രളയശേഷമെത്തുന്ന ആദ്യ ശിവരാത്രിയാണ് ഇത്. തര്‍പ്പണത്തിനായി 176 ബലിത്തറകളാണ് ഒരുക്കിയിരിക്കുന്നത്.
ആലുവ: ശിവരാത്രി ബലിതർപ്പണത്തിനായുള്ള ഒരുക്കങ്ങള്‍ ആലുവ മണപ്പുറത്ത് പൂര്‍ത്തിയായി. പെരിയാറിന്‍റെ തീരത്ത് ബലിതർപ്പണ ചടങ്ങുകൾ ഇന്ന് മുതൽ തുടങ്ങും. ചൊവ്വാഴ്ച പുലർച്ചെയാണ് ഔദ്യോഗികമായി ബലിതർപ്പണചടങ്ങുകൾ തുടങ്ങുക. ഇതിനായി 176 ബലിത്തറകളാണ് ഒരുക്കിയിരിക്കുന്നത്. പ്രളയശേഷമെത്തുന്ന ആദ്യ ശിവരാത്രിയിൽ വിശ്വാസികൾക്ക് അസൗകര്യങ്ങൾ ഇല്ലാതിരിക്കാനുള്ള ക്രമീകരണങ്ങൾ പൂർത്തിയായതായി തിരുവിതാംകൂർ ദേവസ്വം ബോർഡ് അറിയിച്ചു.