Asani Cyclone : സംസ്ഥാനത്ത് അടുത്ത മണിക്കൂറുകളിൽ മഴ ശക്തമാകാൻ സാധ്യത; ആന്ധ്ര ഒഡീഷ തീരങ്ങളില് കനത്ത മഴ, ആൾനാശം
Synopsis
പത്തനംതിട്ട, എറണാകുളം, കോട്ടയം, ഇടുക്കി, തൃശ്ശൂർ, പാലക്കാട് ജില്ലകളിലാണ് യെല്ലോ അലർട്ട്. ഈ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്.രാത്രിയോടെ മധ്യകേരളത്തിലും വടക്കൻ കേരളത്തിലും കൂടുതൽ മഴ കിട്ടും. കേരള തീരത്ത് മത്സ്യബന്ധനത്തിനുള്ള വിലക്ക് പിൻവലിച്ചു. നാളെ നാല് ജില്ലകളിൽ യെല്ലോ അലർട്ടാണ്. കോട്ടയം, എറണാകുളം, ഇടുക്കി, മലപ്പുറം ജില്ലകളിലാണ് യെല്ലോ അലർട്ട്.
തിരുവനന്തപുരം: അസാനി (Asani) ചുഴലിക്കാറ്റിന്റെ സ്വാധീനഫലമായി സംസ്ഥാനത്ത് അടുത്ത മണിക്കൂറുകളിൽ മഴ ശക്തമാകാൻ സാധ്യതയെന്ന് മുന്നറിയിപ്പ്. ആറ് ജില്ലകളിൽ യെല്ലോ അലർട്ട് തുടരുകയാണ്. പത്തനംതിട്ട, എറണാകുളം, കോട്ടയം, ഇടുക്കി, തൃശ്ശൂർ, പാലക്കാട് ജില്ലകളിലാണ് യെല്ലോ അലർട്ട്. ഈ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയുണ്ട്.രാത്രിയോടെ മധ്യകേരളത്തിലും വടക്കൻ കേരളത്തിലും കൂടുതൽ മഴ കിട്ടും. കേരള തീരത്ത് മത്സ്യബന്ധനത്തിനുള്ള വിലക്ക് പിൻവലിച്ചു. നാളെ നാല് ജില്ലകളിൽ യെല്ലോ അലർട്ടാണ്. കോട്ടയം, എറണാകുളം, ഇടുക്കി, മലപ്പുറം ജില്ലകളിലാണ് യെല്ലോ അലർട്ട്.
അസാനി ചുഴലിക്കാറ്റിനെ തുടര്ന്ന് ആന്ധ്ര ഒഡീഷ തീരങ്ങളില് കനത്ത മഴയാണ്. വീടിന് മുകളിലേക്ക് മരണം വീണ് ഒരു കുടുംബത്തിലെ രണ്ട് പേര് മരിച്ചു. മച്ച്ലി തീരത്തിന് സമീപമാണ് വീടിന് മുകളിലേക്ക് മരം വീണ് ഒരു സ്ത്രീ അടക്കം രണ്ട് പേര് മരിച്ചത്. ഒഴുക്കില്പ്പെട്ട് മത്സ്യത്തൊഴിലാളികള് അടക്കം ഏഴ് പേരെ കാണാതായി. ആന്ധ്രയില് ഏഴ് ജില്ലകളില് ദുരിതാശ്വാസ ക്യാമ്പുകള് തുറന്നു. നിരവധി വിമാന സര്വ്വീസുകളും ട്രെയിനുകളും റദ്ദാക്കി.
അതീതീവ്ര ചുഴലിക്കാറ്റില് നിന്ന് തീവ്ര ചുഴലിക്കാറ്റായി അസാനിയുടെ ശക്തികുറഞ്ഞെങ്കിലും തീരമേഖലകളില് കനത്ത മഴയാണ് പെയ്യുന്നത്. ആന്ധ്രയുടെ വടക്കന് തീരമേഖലയിലും കൃഷ്ണ ഗുണ്ടൂര് ഗോദാവരി ജില്ലകളിലുമാണ് മഴ ശക്തമായിരിക്കുന്നത്. മരങ്ങള് കടപുഴകി വീണ് നിരവധി വീടുകള്ക്ക് നാശനഷ്ടമുണ്ടായി. റാണിപേട്ട് നദിയില് ഒഴുക്കില്പ്പെട്ട് മൂന്ന് പേരെ കാണാതായി. ഗന്ജം തുറമുഖത്തോട് ചേര്ന്ന് 11 മത്സ്യതൊഴിലാളികളുണ്ടായിരുന്ന വള്ളം മറിഞ്ഞു. 7 പേരെ കോസ്റ്റ്ഗാര്ഡ് രക്ഷിച്ചു. കാണാതായ പോയ 4 മത്സ്യത്തൊഴിലാളികള്ക്കായി തെരച്ചില് തുടരുകയാണ്.
വിശാഖപട്ടണം വിജയവാഡ വിമനാത്താവളങ്ങള് തല്ക്കാലത്തേക്ക് അടച്ചു. ഹൈദരാബാദ് ചെന്നൈ ബെംഗ്ലൂരു വിമാനത്താവളങ്ങളില് നിന്നും ചില ആഭ്യന്തര സര്വ്വീസുകള് റദ്ദാക്കി.ഒഡീഷ പശ്ചിമബംഗാള് തീരങ്ങളിലും കനത്ത മഴയുണ്ട്. ഈസ്റ്റ് കോസ്റ്റ് റെയില്വേ ആന്ധ്ര ഭുവനേശ്വര് റൂട്ടിലൂടെയുള്ള നിരവധി ട്രെയിനുകള് റദ്ദാക്കി. വിശാഖപട്ടണം തുറമുഖം തല്ക്കാലത്തേക്ക് അടച്ചു. വരും മണിക്കൂറുകളില് അസാനി കൂടുതല് ദുര്ബലമായി തീവ്രന്യൂനമര്ദ്ദമാകും. ആന്ധ്ര തീരത്ത് നിന്ന് ദിശ മാറി യാനം കാക്കിനട വിശാഖപട്ടണം തീരം വഴി മധ്യ പടിഞ്ഞാറന് ബംഗാള് ഉള്ക്കടലില് വരും മണിക്കൂറുകളില് പ്രവേശിക്കും. ദേശീയ ദുരന്ത നിവാരണ സേനയുടെയും നാവികസേനയുടെയും നേതൃത്വത്തിലാണ് രക്ഷാപ്രവര്ത്തനം. ആന്ധ്രയില് 7 ജില്ലകളിലായി 454 ക്യാമ്പുകള് തുറന്നു.തമിഴ്നാട് പുതുച്ചേരി കര്ണാടക തീരങ്ങളിലും ജാഗ്രതാ നിര്ദേശം തുടരുകയാണ്.