വേര്തിരിവുകള്ക്ക് അതീതമായി നമുക്കൊരുമിച്ച് ബലിപെരുന്നാള് ആഘോഷിക്കാം; പിണറായി വിജയൻ
Published : Jun 16, 2024, 04:48 PM IST
Synopsis
ഐക്യത്തിന്റെയും മതനിരപേക്ഷതയുടെയും നാടായി കേരളത്തെ നിലനിര്ത്താന് ഈ ദിനം നമുക്ക് പ്രചോദനമാകട്ടെയെന്നും ഏവര്ക്കും ഹൃദയപൂര്വ്വം ബക്രീദാശംസകള് നേരുകയാണെന്നും പിണറായി വിജയൻ പ്രസ്താവനയില് പറഞ്ഞു.
തിരുവനന്തപുരം: ബക്രീദ് ആശംസകള് നേര്ന്ന് മുഖ്യമന്ത്രി പിണറായി വിജയൻ. പരസ്പര സ്നേഹത്തിന്റെയും ത്യാഗത്തിന്റെയും മഹത്തായ സന്ദേശമാണ് ബലിപെരുന്നാള് പകര്ന്നു നല്കുന്നതെന്ന് ബലിപെരുന്നാള് സന്ദേശത്തില് പിണറായി വിജയൻ പറഞ്ഞു. നിസ്വാര്ത്ഥമായി സ്നേഹിക്കാനും മറ്റുള്ളവര്ക്ക് നേരെ സഹായഹസ്തം നീട്ടാനും സാധിച്ചാല് മാത്രമേ സമത്വപൂര്ണ്ണമായൊരു ലോകം സാധ്യമാകു.
എല്ലാത്തരം വേര്തിരിവുകള്ക്കും അതീതമായി നമുക്കൊരുമിച്ച് ബലിപെരുന്നാള് ആഘോഷിക്കാം. ഐക്യത്തിന്റെയും മതനിരപേക്ഷതയുടെയും നാടായി കേരളത്തെ നിലനിര്ത്താന് ഈ ദിനം നമുക്ക് പ്രചോദനമാകട്ടെയെന്നും ഏവര്ക്കും ഹൃദയപൂര്വ്വം ബക്രീദാശംസകള് നേരുകയാണെന്നും പിണറായി വിജയൻ പ്രസ്താവനയില് പറഞ്ഞു.
Read more Articles on