'ശമ്പളം നൽകാന് കഴിയാത്തത് മാനേജ്മെന്റിന്റെ കെടുകാര്യസ്ഥത'; കെഎസ്ആര്ടിസിയെ മൂന്നായി വിഭജിക്കുമെന്ന് പിണറായി
Synopsis
കെഎസ്ആര്ടിസിയെ സ്വയംഭരണാധികാരമുള്ള മൂന്ന് ലാഭകേന്ദ്രങ്ങളായി വിഭജിക്കുമെന്നും സിംഗിൾ ഡ്യൂട്ടിയിൽ വിട്ടുവീഴ്ചയില്ലെന്നും മുഖ്യമന്ത്രി പറഞ്ഞു.
തിരുവനന്തപുരം: കെഎസ്ആര്ടിസി പ്രതിസന്ധിയില് വിശദീകരണവുമായി മുഖ്യമന്ത്രി പിണറായി വിജയന്. സർക്കാർ സഹായിച്ചിട്ടും ശമ്പളം പോലും നൽകാനാവാത്തത് കെഎസ്ആര്ടിസി മാനേജ്മെന്റിന്റെ കെടുകാര്യസ്ഥതയാണെന്ന് മുഖ്യമന്ത്രി കുറ്റപ്പെടുത്തി. സത്യങ്ങൾ മറച്ചുവച്ചാണ് ചില സംഘടനകളുടെ പ്രചാരണമെന്നും അദ്ദേഹം വിമര്ശിച്ചു. കെഎസ്ആര്ടിസിയെ സ്വയംഭരണാധികാരമുള്ള മൂന്ന് ലാഭകേന്ദ്രങ്ങളായി വിഭജിക്കുമെന്നും സിംഗിൾ ഡ്യൂട്ടിയിൽ വിട്ടുവീഴ്ചയില്ലെന്നും മുഖ്യമന്ത്രി പറഞ്ഞു. ചിന്ത വാരികയിലെ ലേഖനത്തിലാണ് മുഖ്യമന്ത്രിയുടെ വിശദീകരണം.
2011-2022 കാലയളവില് മാത്രം 2076 കോടി രൂപയാണ് കെഎസ്ആര്ടിസിക്ക് സര്ക്കാര് ധനസഹായം നല്കിയത്. എന്നാല്, ജീവനക്കാര്ക്ക് ശമ്പളം പോലും നൽകാനാവാത്തത് കെഎസ്ആര്ടിസി മാനേജ്മെന്റിന്റെ കെടുകാര്യസ്ഥതയെന്ന് മുഖ്യമന്ത്രി കുറ്റപ്പെടുത്തി. കെഎസ്ആര്ടിസിയെ പൊതുമേഖലയില് നിലനിര്ത്തുകയാണ് ലക്ഷ്യം. എന്നാല് ഇത് അത്ര എളുപ്പമല്ലെന്നും മുഖ്യമന്ത്രി പറയുന്നു. കോര്പ്പറേഷനെ സ്വയം ഭരണാധികാരമുള്ള മൂന്ന് ലാഭ കേന്ദ്രങ്ങളായി വിഭജിക്കുമെന്നും ഡ്യൂട്ടി പാറ്റേണിലെ മാറ്റങ്ങളില് ഉള്പ്പെടെ ജീവനക്കാര് സഹകരിക്കണമെന്നും മുഖ്യമന്ത്രി കൂട്ടിച്ചേര്ത്തു. മാനേജ്മെന്റ് തലത്തില് ഉദ്യോഗസ്ഥര് കര്ശന നിലപാട് സ്വീകരിക്കണമെന്ന് നിര്ദ്ദേശിച്ച മുഖ്യമന്ത്രി, കെഎസ്ആര്ടിസിയുടെ വിശ്വാസ്യത കൂട്ടാന് ബോര്ഡ് ഉണ്ടാക്കുമെന്നും അറിയിച്ചു.
അതേസമയം, കെഎസ്ആർടിസിയെ രക്ഷപ്പെടുത്താൻ കർണ്ണാടക മാതൃക പഠിക്കാൻ ഒരുങ്ങുകയാണ് സംസ്ഥാന സർക്കാർ. കർണ്ണാടക റോഡ് ട്രാൻസ്പോർട്ട് കോർപറേഷൻ എങ്ങനെ ലാഭകരമായി പ്രവർത്തിക്കുന്നുവെന്ന് പഠിച്ച് റിപ്പോർട്ട് സമർപ്പിക്കാൻ ആസൂത്രണ ബോർഡിനെ ചുമതലപ്പെടുത്തിയതായി ധനമന്ത്രി കെ.എന് ബാലഗോപാല് ഏഷ്യാനെറ്റ് ന്യൂസിനോട് പറഞ്ഞു. ടിക്കറ്റ് നിരക്ക്, മാനേജ്മെന്റ് രീതി തുടങ്ങി കര്ണാടക ആര്ടിസിയെ മികവിലേക്ക് നയിക്കുന്ന വിവിധ ഘടകങ്ങളാണ് പഠനവിധേയമാക്കുക.
Also Read: കെഎസ്ആർടിസിയെ ലാഭകരമാക്കാൻ കർണാടക മോഡൽ പഠിക്കാൻ ധനവകുപ്പ്,പ്ലാനിങ് ബോർഡ് അംഗത്തെ ചുമതലപ്പെടുത്തി
കെഎസ്ആർടിസിക്ക് റിക്കാർഡ് കളക്ഷൻ
ഓണാവധിക്ക് ശേഷമുള്ള ആദ്യ പ്രവൃത്തിദിനത്തില് കെഎസ്ആര്ടിസിക്ക് സര്വകാല റെക്കോഡ് വരുമാനം. ഈ കഴിഞ്ഞ പന്ത്രണ്ടാം തീയതി കെഎസ്ആര്ടിസി 8.4 കോടി രൂപ പ്രതിദിന വരുമാനം നേടിയത്. 3941 ബസുകളാണ് അന്ന് സര്വീസ് നടത്തിയത്. സോൺ അടിസ്ഥാനത്തിൽ കളക്ഷൻ സൗത്ത് 3.13 കോടി (89.44% ടാർജറ്റ്) , സെൻട്രൽ 2.88 കോടി(104.54 % ടാർജറ്റ്) , നോർത്ത് 2.39 കോടി രൂപ വീതമാണ് വരുമാനം ലഭിച്ചത്. ഏറ്റവും കൂടുതൽ ടാർജറ്റ് ലഭ്യമാക്കിയത് കോഴിക്കോട് മേഖല ആണ്. ടാർജററ്റിനെക്കാൾ 107.96%. (തുടര്ന്ന് വായിക്കുക)
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam