`മത്സരത്തിന് ആവശ്യമായ അടിസ്ഥാന സൗകര്യങ്ങൾ ഒരുക്കിയില്ല'; ടേബിൾ ടെന്നിസ് ടൂർണമെൻ്റിനെതിരെ പരാതിയുമായി മത്സരാർത്ഥികളും പരിശീലകരും

കൊല്ലത്ത് നടക്കുന്ന ടേബിൾ ടെന്നിസ് ടൂർണമെൻ്റിനെതിരെ പരാതിയുമായി മത്സരാർത്ഥികളും പരിശീലകരും. മത്സരത്തിന് ആവശ്യമായ അടിസ്ഥാന സൗകര്യങ്ങൾ ഒരുക്കാതെയാണ് ടൂർണമെൻ്റ് നടത്തുന്നതെന്നാണ് പരാതി.

കൊല്ലം: കൊല്ലത്ത് നടക്കുന്ന ടേബിൾ ടെന്നിസ് ടൂർണമെൻ്റിനെതിരെ പരാതിയുമായി മത്സരാർത്ഥികളും പരിശീലകരും. മത്സരത്തിന് ആവശ്യമായ അടിസ്ഥാന സൗകര്യങ്ങൾ ഒരുക്കാതെയാണ് ടൂർണമെൻ്റ് നടത്തുന്നതെന്നാണ് പരാതി. കേരള ടേബിൾ ടെന്നിസ് അസോസിയേഷന്റെ ആഭിമുഖ്യത്തിൽ ആണ് ടൂർണമെൻ്റ് നടക്കുന്നത്. എൻട്രി ഫീയും യാത്രാ-താമസ ചെലവും തിരിച്ചു നൽകണമെന്ന ആവശ്യവുമായി മത്സരാർത്ഥികളും പരിശീലകരും രംഗത്തെത്തി. വലിയ തുക ഫീസ് ഈടാക്കി നടത്തുന്ന ടൂർണമെൻ്റിൽ താരങ്ങളുടെ സുരക്ഷ ഉറപ്പാക്കാൻ സംഘാടകർ തയ്യാറാകുന്നില്ലെന്നും പരാതിയുണ്ട്. ഇന്ന് മുതൽ മൂന്ന് ദിവസമാണ് ഇൻഫന്റ് ജീസസ് സ്കൂളിൽ ടെന്നിസ് ടൂർണമെൻ്റ് നടക്കുന്നത്.