പാലാ നഗരസഭ കൗൺസിലർമാരായ പുളിക്കകണ്ടം സഹോദരൻമാർക്കെതിരെ പരാതി; യുഡിഎഫ് പാർലമെന്ററി പാർട്ടി യോഗത്തിൽ കയ്യേറ്റം ചെയ്യാൻ ശ്രമിച്ചു

കോൺഗ്രസ് കൗൺസിലർ ബിജു മാത്യു ആണ് പരാതി നൽകിയത്. യുഡിഎഫ് പാർലമെന്ററി പാർട്ടി യോഗത്തിൽ വെച്ച് കയ്യേറ്റം ചെയ്യാൻ ശ്രമിച്ചെന്നാണ് പരാതി. 

കോട്ടയം: പാലാ നഗരസഭ കൗൺസിലർമാരായ ബിനു പുളിക്കകണ്ടം, ബിജു പുളിക്കകണ്ടം എന്നിവർക്കെതിരെ പരാതി. കോൺഗ്രസ് കൗൺസിലർ ബിജു മാത്യു ആണ് പരാതി നൽകിയത്. യുഡിഎഫ് പാർലമെന്ററി പാർട്ടി യോഗത്തിൽ വെച്ച് കയ്യേറ്റം ചെയ്യാൻ ശ്രമിച്ചെന്നാണ് പരാതി. കൊട്ടാരമറ്റം ബസ് സ്റ്റാന്റിലെ ഓട്ടോ സ്റ്റാന്റുമായി ബന്ധപ്പെട്ട തർക്കമാണ് കേസിലേക്ക് നീങ്ങിയത്. എന്നാൽ വാക്കു തർക്കം മാത്രമാണ് നടന്നതെന്ന് ബിനു പുളിക്കകണ്ടം അടക്കമുള്ള മറ്റ് കൗൺസിലർ പറയുന്നു.