കിറ്റിനൊപ്പം ഒരു മുഴം കയർ കൂടി വെക്കാൻ കോൺഗ്രസ് നേതാവിന്‍റെ കമന്‍റ്, വീട്ടിൽ കയറുമായെത്തി ഡിവൈഎഫ്ഐ പ്രവർത്തകർ

എറണാകുളം മുളന്തുരുത്തി ബ്ലോക്ക് പഞ്ചായത്ത് പ്രസഡിന്‍റ് രാജു പി നായരുടെ വീട്ടിലാണ് പ്രതിഷേധ സൂചകമായി ഡിവൈഎഫ്ഐ പ്രവർത്തകർ ഒരു മുഴ കയർ വെച്ചത്.

കൊച്ചി: ലോക് ഡൗണിൽ വിതരണം ചെയ്യുന്ന കിറ്റിനൊപ്പം ഒരു മുഴം കയർ കൂടി വെക്കണമെന്ന് മുഖ്യമന്ത്രി പിണറായി വിജയന്റെ എഫ് ബി പോസ്റ്റിൽ കമന്‍റിട്ട കോൺഗ്രസ് നേതാവിന്‍റെ വീടിന്റെ വരാന്തയിൽ കയർ വെച്ച് ഡിവൈഎഫ്ഐ പ്രവർത്തകർ. എറണാകുളം മുളന്തുരുത്തി ബ്ലോക്ക് പഞ്ചായത്ത് പ്രസഡിന്‍റ് രാജു പി നായരുടെ വീട്ടിലാണ് പ്രതിഷേധ സൂചകമായി ഡിവൈഎഫ്ഐ പ്രവർത്തകർ ഒരു മുഴ കയർ വെച്ചത്. ഡിവൈഎഫ്ഐ ഉദയംപേരൂർ നോർത്ത് മേഖല കമ്മിറ്റിയുടെ നേതൃത്വത്തിലായിരുന്നു പ്രതിഷേധം. കൊവിഡ് ലോക് ഡൗണിൽ അടച്ചിടുന്നതിന് എതിരല്ല. പക്ഷെ ഒരു മുഴം കയർകൂടെ കൊടുത്ത് വേണം അടച്ചിടാൻ എന്നായിരുന്നു കമന്‍റ്.

കോവിഡ് പോസിറ്റിവിറ്റി നിരക്ക് നിയന്ത്രണാതീതമായി വര്ധിക്കുന്ന സാഹചര്യത്തിൽ ജനങ്ങളുടെ ക്ഷേമം കാണിക്കിലെടുത്തു മുഖ്യമന്ത്രി...

Posted by DYFI Mulanthuruthy Block Committee on Thursday, 6 May 2021