രോ​ഗിക്ക് കൊവിഡ്; കായംകുളം താലൂക്ക് ആശുപത്രിയിലെ സർജിക്കൽ വാർഡ് അടച്ചു

കഴിഞ്ഞ ദിവസം വാഹനാപകടത്തിൽ പരിക്കേറ്റ് ആശുപത്രിയിലെത്തിയ ആൾക്കാണ് രോ​ഗം സ്ഥിരീകരിച്ചത്. ഇതേത്തുടർന്ന് ആശുപത്രിയിലെ ഡോക്ടർമാരും ആരോ​ഗ്യപ്രവർത്തകരുമടക്കം പതിനഞ്ചോളം പേർ ക്വാറന്റൈനിലാണ്.

ആലപ്പുഴ: ചികിത്സയ്ക്കെത്തിയ ആൾക്ക് കൊവിഡ് സ്ഥിരീകരിച്ചതിനെത്തുടർന്ന് കായംകുളം താലൂക്ക് ആശുപത്രിയിലെ സർജിക്കൽ വാർഡ് അടച്ചു. കഴിഞ്ഞ ദിവസം വാഹനാപകടത്തിൽ പരിക്കേറ്റ് ആശുപത്രിയിലെത്തിയ ആൾക്കാണ് രോ​ഗം സ്ഥിരീകരിച്ചത്. ഇതേത്തുടർന്ന് ആശുപത്രിയിലെ ഡോക്ടർമാരും ആരോ​ഗ്യപ്രവർത്തകരുമടക്കം പതിനഞ്ചോളം പേർ ക്വാറന്റൈനിലാണ്.

ആലപ്പുഴ ജില്ലയിൽ ഇന്ന് 139 പേർക്കാണ് കൊവിഡ് സ്ഥിരീകരിച്ചത്. ഇതിൽ 122 പേർക്കും സമ്പർക്കത്തിലൂടെയാണ് രോ​ഗബാധ ഉണ്ടായത്. ഒരാളുടെ രോ​ഗ ഉറവിടം വ്യക്തമല്ല. രോ​ഗം സ്ഥിരീകരിച്ചവരിൽ മൂന്നുപേർ വിദേശത്തുനിന്നും 13 പേർ മറ്റ് സംസ്ഥാനങ്ങളിൽ നിന്നും എത്തിയവരാണ്. ആകെ 1404 പേർ ആശുപത്രികളിൽ ഇപ്പോൾ ചികിത്സയിലുണ്ട്. 2008 പേർ ഇതുവരെ ജില്ലയിൽ രോഗമുക്തരായി.