മദ്യലഹരിയിൽ കാർ നിയന്ത്രണം വിട്ട് സ്കൂട്ടറുകളിലിടിച്ച് അപകടം; യുവതിക്കും കുട്ടികൾക്കും പരിക്ക്, ഡ്രൈവർ കസ്റ്റഡിയിൽ

അപകടത്തിൽ സ്കൂട്ടറിൽ ഉണ്ടായിരുന്ന യുവതിക്കും ഒരു കുട്ടിക്കും കാറിനുള്ളിലുണ്ടായിരുന്ന മറ്റൊരു കുട്ടിക്കുമാണ് പരിക്കേറ്റത്. കാറിലുണ്ടായിരുന്ന കുട്ടിയെ ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.

തിരുവനന്തപുരം: പോത്തൻകോടിൽ നിയന്ത്രണം വിട്ട കാർ മൂന്ന് സ്കൂട്ടറുകളിൽ ഇടിച്ച് അപകടം. ഇന്ന് ഉച്ചയ്ക്ക് നാല് മണിയോടെയാണ് സംഭവം നടന്നത്. അപകടത്തിൽ സ്കൂട്ടറിൽ ഉണ്ടായിരുന്ന യുവതിക്കും ഒരു കുട്ടിക്കും കാറിനുള്ളിലുണ്ടായിരുന്ന മറ്റൊരു കുട്ടിക്കുമാണ് പരിക്കേറ്റത്. കാറിലുണ്ടായിരുന്ന കുട്ടിയെ ഉടൻ തന്നെ തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. മറ്റുള്ളവരെ സമീപത്തെ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്നാണ് ആശുപത്രി അധികൃതരിൽ നിന്നും ലഭിക്കുന്ന വിവരം. സംഭവത്തെ തുടർന്ന് കാർ ഡ്രൈവറെയും ഒപ്പമുണ്ടായിരുന്നയാളെയും പോത്തൻകോട് പോലീസ് കസ്റ്റഡിയിലെടുത്തു. പ്രാഥമിക പരിശോധനയിൽ ഡ്രൈവർ മദ്യപിച്ചിരുന്നതായാണ് വിവരം ലഭിച്ചിട്ടുള്ളത്.