
പത്തനംതിട്ട: പത്തനംതിട്ടയിൽ കൊവിഡ് ചട്ടങ്ങൾ ലംഘിച്ച് ഡിവൈഎഫ്ഐ യുടെ നേതൃത്വത്തിൽ ഡിജെ മ്യൂസിക് വിജയാഹ്ലാദ റാലി. പത്തനംതിട്ട നഗരസഭ എൽഡിഎഫ് പിടിച്ചെടുത്തതിന്റെ ഭാഗമായിട്ടായിരുന്നു നടുറോഡിൽ ആഘോഷം. ഇരുനൂറോളം പ്രവർത്തകരാണ് ഡിജെ മ്യൂസിക്കിനൊപ്പം പടക്കം പൊട്ടിച്ചും ആഘോഷത്തിൽ പങ്കെടുത്തത്. ഇതോടെ പത്തനംതിട്ട അടൂർ റോഡിൽ ഏറെ നേരം ഗതാഗതം തടസ്സപ്പെട്ടു.
രാത്രി ഏഴ് മണിക്ക് തുടങ്ങിയ പരിപാടി ഒന്നര മണിക്കൂറോളം നീണ്ടു. പത്ത് വർഷങ്ങൾക്ക് ശേഷം പത്തനംതിട്ട നഗരസഭ ഭരണം എൽഡിഎഫ് പിടിച്ചെടുത്തിന്റെ ഭാഗമായിട്ടായിരുന്നു ആഘോഷം. 32 അംഗ നഗരസഭയിൽ യുഡിഎഫും എൽഡിഎഫും 13 സീറ്റുകളിലും, എസ്ഡിപിഐയും സ്വാതന്ത്ര്യരും 3 സീറ്റുകളിൽ വീതവുമായിരുന്നു ജയിച്ചത്. ചെയർമാൻ തെരഞ്ഞെടുപ്പിൽ സ്വതന്ത്രർ എൽഡിഎഫിന് ഒപ്പം നിന്നതോടെയാണ് നഗരസഭ ഭരണം കിട്ടിയത്.
കേരളത്തിലെ എല്ലാ വാർത്തകൾ Kerala News അറിയാൻ എപ്പോഴും ഏഷ്യാനെറ്റ് ന്യൂസ് വാർത്തകൾ. Malayalam News തത്സമയ അപ്ഡേറ്റുകളും ആഴത്തിലുള്ള വിശകലനവും സമഗ്രമായ റിപ്പോർട്ടിംഗും — എല്ലാം ഒരൊറ്റ സ്ഥലത്ത്. ഏത് സമയത്തും, എവിടെയും വിശ്വസനീയമായ വാർത്തകൾ ലഭിക്കാൻ Asianet News Malayalam